محمد اشفاق پسرور
بھارت کے دارالحکومت نئی دہلی کے تاریخی مقام جنتر منتر پر امتحانی پرچوں کے مبینہ لیک ہونے اور بے ضابطگیوں کے خلاف جاری احتجاج کے دوران ایک جانب مظاہرین اور پولیس کے درمیان جھڑپیں دیکھنے میں آئیں، تو دوسری جانب انسانی ہمدردی کی ایک مثال بھی سامنے آئی۔سوشل میڈیا پر گردش کرنے والی متعدد ویڈیوز میں دیکھا جا سکتا ہے کہ بھارتی مسلمان شہری احتجاج میں شریک مظاہرین کو کھانا، پانی اور دیگر اشیائے خورد و نوش فراہم کر رہے ہیں۔ ان مناظر کو سوشل میڈیا پر بڑے پیمانے پر سراہا جا رہا ہے۔ویڈیوز پر تبصرہ کرتے ہوئے کئی بھارتی صارفین، جن میں ہندو شہری بھی شامل ہیں، نے مسلمانوں کے اس اقدام کو قابلِ تحسین قرار دیا اور مشکل وقت میں بلاامتیاز انسانیت کی خدمت کو سراہا۔دوسری جانب سوشل میڈیا پر بعض صارفین نے احتجاج کی صورتحال اور حکومتی پالیسیوں پر بھی تنقید کی.
واضح رہے کہ نئی دہلی میں امتحانی پرچوں کے مبینہ لیک ہونے کے خلاف طلبہ اور نوجوانوں کا احتجاج جاری ہے، جہاں پارلیمنٹ کی جانب مارچ کے دوران پولیس اور مظاہرین کے درمیان جھڑپوں کی بھی اطلاعات سامنے آئی ہیں۔