بلوچستان رحمت اللہ بلوچ بیوروچیف بے نقاب نیوز)
بلوچستان کے مختلف اضلاع میں کنٹریکٹ فیز ون اساتذہ کی جون کی تنخواہ بند ہونے کے باعث اساتذہ شدید مالی مشکلات کا شکار ہیں۔ متاثرہ اساتذہ کا کہنا ہے کہ وہ اپنی حاضری اور تدریسی ذمہ داریاں باقاعدگی سے ادا کر رہے ہیں، تاہم اس کے باوجود جون کی تنخواہ تاحال جاری نہیں کی گئی۔دوسری جانب یکم اگست سے گرمیوں کی چھٹیاں ختم ہونے کے بعد صوبے بھر میں تعلیمی ادارے دوبارہ کھل رہے ہیں۔ اساتذہ کا کہنا ہے کہ اسکولوں کی بحالی سے قبل تنخواہوں کی عدم ادائیگی نے انہیں شدید پریشانی میں مبتلا کر دیا ہے اور وہ معاشی دباؤ کا سامنا کر رہے ہیں۔
متاثرہ اساتذہ نے وزیراعلیٰ بلوچستان، وزیر تعلیم بلوچستان راحیلہ درانی اور سیکرٹری تعلیم سے مطالبہ کیا ہے کہ معاملے کا فوری نوٹس لیا جائے اور کنٹریکٹ فیز ون اساتذہ کی جون کی بند تنخواہیں بلا تاخیر جاری کرنے کے احکامات صادر کیے جائیں تاکہ اساتذہ مالی پریشانی سے نکل کر نئے تعلیمی سیشن کا آغاز پوری توجہ اور اطمینان کے ساتھ کر سکیں۔