بلوچستان رحمت اللہ بلوچ بیوروچیف بے نقاب نیوز)
اہل خضدار نے ڈپٹی کمشنر خضدار عبدالرزاق ساسولی کی کاوشوں کو سراہتے ہوئے ان کا دلی شکریہ ادا کیا ہے۔ شہریوں کا کہنا ہے کہ وزیراعلیٰ بلوچستان، چیف سیکریٹری بلوچستان اور کمشنر قلات ڈویژن کی خصوصی دلچسپی اور ڈپٹی کمشنر خضدار کی مسلسل کوششوں سے خضدار میں پہلی بار 1 ارب روپے کی خطیر لاگت سے جدید آپریشن تھیٹر کمپلیکس تعمیر کیا جا رہا ہے۔
عوامی حلقوں کا کہنا ہے کہ یہ منصوبہ ضلع خضدار کی طبی تاریخ میں ایک نیا باب رقم کرے گا اور اس کا براہ راست فائدہ ماؤں، بچوں اور عام افراد کو ہوگا۔ سارا کریڈٹ ضلعی انتظامیہ کو جاتا ہے جنہوں نے اس منصوبے کو حقیقت کا روپ دینے کیلئے دن رات محنت کی۔ نئے کمپلیکس کو بین الاقوامی معیار کے مطابق ڈیزائن کیا گیا ہے تاکہ مریضوں کو ہر قسم کی سرجیکل سہولت ایک ہی چھت تلے میسر ہو۔ شہریوں کا کہنا تھا کہ گزشتہ کئی دہائیوں سے خضدار اور پورے جھالاوان کے عوام کو بڑے آپریشنز کیلئے کوئٹہ اور کراچی جانا پڑتا تھا۔ اب اس 1 ارب روپے کے منصوبے کی تکمیل کے بعد ضلع خضدار خود کفیل ہو جائے گا اور یہاں کے غریب مریضوں کو مفت اور معیاری سرجری کی سہولت اپنے شہر میں ملے گی۔ یہ واقعی ایک تاریخ رقم ہونے جا رہی ہے جس سے ماؤں کے پیچیدہ زچگی کے کیسز، بچوں کے آپریشن اور حادثات کے مریضوں کو فوری طبی امداد مل سکے گی۔ضلعی انتظامیہ کے مطابق وزیراعلیٰ بلوچستان اور چیف سیکریٹری کی خصوصی دلچسپی سے8 اس منصوبے کا جلد آغاز کر دیا جائے گا اور اسے مقررہ مدت میں مکمل کر کے عوام کے حوالے کیا جائے گا۔ اہل خضدار نے اس تاریخی اقدام پر حکومت بلوچستان اور ضلعی انتظامیہ کا شکریہ ادا کرتے ہوئے امید ظاہر کی ہے کہ یہ منصوبہ جلد پایہ تکمیل تک پہنچے گا۔