پسرور محمد اشفاق
پسرور : تھانہ صدر پولیس نے منشیات فروشوں کے خلاف کارروائی کرتے ہوئے 10 کلو 800 گرام چرس برآمد کر کے ایک ملزم کو گرفتار کر لیا۔ پولیس کے مطابق سب انسپکٹر مزمل حسین، انچارج چوکی باوا فقیر چند، کو خفیہ اطلاع ملی کہ ایک شخص ناگرہ کے قریب قبرستان میں منشیات سمیت موجود ہے۔ اطلاع پر پولیس ٹیم نے فوری کارروائی کرتے ہوئے ملزم سلیمان یوسف ولد محمد یوسف کو گرفتار کر لیا۔ تلاشی کے دوران اس کے قبضے سے 9 پیکٹ چرس برآمد ہوئے جن کا مجموعی وزن 10.8 کلوگرام تھا۔ پولیس نے قانونی تقاضے پورے کرتے ہوئے نمونے علیحدہ کر کے باقی منشیات قبضے میں لے لی اور ملزم کے خلاف کنٹرول آف نارکوٹک سبسٹنسز ایکٹ کی متعلقہ دفعات کے تحت مقدمہ درج کر لیا۔