بلوچستان رحمت اللہ بلوچ بیوروچیف بے نقاب نیوز)
کوئٹہ کے علاقے ہنہ اوڑک میں مسلح افراد اور قبائلی افراد کے درمیان ہونے والی جھڑپ میں 4 افراد شہید جبکہ 7 زخمی ہوگئے۔ واقعے کے بعد علاقے کی اہم شاہراہ بی اے مال ٹریفک کے لئے بند کردی گئیں۔، ایئرپورٹ روڈ پر لاشوں کے ساتھ احتجاج بدستور جاریکوئٹہ کے علاقے ہنہ اوڑک میں ہونے والے مسلح حملے کے نتیجے میں شہید ہونے والے مقامی رہائشیوں کی تعداد بڑھ کر 4 ہو گئی ہے۔ اس افسوسناک واقعے کے خلاف علاقہ مکینوں میں شدید غم و غصہ پایا جاتا ہے، جس کے باعث احتجاجاً ایئرپورٹ روڈ کو ہر قسم کی آمد و رفت کے لیے بدستور بلاک کر دیا گیا ہے، جس سے شہر کی اس اہم شاہراہ پر ٹریفک کا نظام شدید معطل ہو کر رہ گیا ہے۔اس اندوہناک واقعے کے خلاف گزشتہ رات سے بی اے مال کے سامنے احتجاجی دھرنا دیا گیا اور علاقہ مکینوں کی جانب سے سڑک بلاک کر دی گئی۔ مظاہرین کا دوٹوک مؤقف ہے کہ جب تک واقعے کے ملزمان کو گرفتار کر کے انصاف کے تقاضے پورے نہیں کیے جاتے اور علاقے میں پائیدار امن قائم نہیں ہوتا، تب تک یہ راستہ بدستور بلاک رہے گا۔