سیالکوٹ پسرور(سلیم احمد اعوان شیخومحمد اشفاق )
کنگرہ روڈ کے قریب مست پور اڈہ پر تیز رفتار بس کی ٹکر سے 2 نوجوان 21 سالہ انیس ولد محمد امتیاز رہائشی کلو پیارا اور 17 سالہ شعیب ولد عمران علی رہائشی کالو پیارا شدید زخمی ہو گئے۔پولیس کے مطابق ایک تیز رفتار بس نے اوورٹیک کرنے والی کار کو بچاتے ہوئے سامنے سے آنے والے رکشے کو ٹکر مار دی اور بس ڈرائیور بس سمیت موقع سے فرار ہو گیا۔دونوں زخمی نوجوانوں کو شدید زخمی حالت میں گورنمنٹ علامہ اقبال میموریل ٹیچنگ ہسپتال سیالکوٹ میں داخل کروا دیا گیا جبکہ پولیس نے بس ڈرائیور کے خلاف کارروائی شروع کر دی ہے۔