دیربالا بیورو چیف (ریاض ابوالخیل)
ڈسٹرکٹ پولیس آفیسر دیر بالا اسلم نواز () نے زیر تعمیر پولیس اسٹیشن گندیگار کا دورہ کیا اور جاری تعمیراتی کاموں کا تفصیلی جائزہ لیا۔دورے کے دوران متعلقہ ٹھیکیدار نے ڈی پی او دیر بالا کو منصوبے کی پیش رفت کے حوالے سے بریفنگ دی۔ اس موقع پر ڈی پی او دیر بالا نے ہدایت کی کہ تعمیراتی منصوبہ منظور شدہ پی سی ون، مقررہ معیار اور طے شدہ مدت کے مطابق ہر صورت مکمل کیا جائے۔ڈی پی او اسلم نواز نے کہا کہ پولیسانفراسٹرکچر کی مضبوطی اور عوامی سہولت کا فروغ محکمہ پولیس کی اولین ترجیحات میں شامل ہے۔ انہوں نے تعمیراتی کام میں شفافیت، معیار اور رفتار کو یقینی بنانے پر زور دیتے ہوئے واضح کیا کہ کسی بھی قسم کی غفلت یا کوتاہی ہرگز برداشت نہیں کی جائے گی۔انہوں نے متعلقہ افسران کو ہدایت کی کہ منصوبے کی مسلسل نگرانی جاری رکھی جائے اور تعمیراتی پیش رفت سے متعلق باقاعدگی سے رپورٹ پیش کی جائے، تاکہ منصوبہ مقررہ وقت میں اعلیٰ معیار کے ساتھ مکمل ہو سکے۔