محمد اشفاق پسرور
پسرور نواز شریف پارک میں بچی کا ہاتھ سلائیڈنگ گرل میں پھنس گیا، ریسکیو 1122 نے بروقت کارروائی کرکے بچا لیاپسرور کے نواز شریف پارک میں کھیل کے دوران پانچ سالہ بچی کا بائیں ہاتھ کی ایک انگلی سلائیڈنگ گرل کے دروازے میں پھنس گئی، جس کے باعث وہ شدید تکلیف میں مبتلا ہوگئی۔ اطلاع ملتے ہی ریسکیو 1122 کی ٹیم فوری طور پر موقع پر پہنچ گئی۔ ریسکیو اہلکاروں نے پیشہ ورانہ مہارت کا مظاہرہ کرتے ہوئے تقریباً 15 منٹ کی کامیاب ریسکیو کارروائی کے بعد بچی کا ہاتھ بحفاظت گرل سے نکال لیا۔ریسکیو حکام کے مطابق متاثرہ بچی کی شناخت اقصیٰ دختر جاوید (عمر 5 سال) سکنہ محلہ رحمان پورہ، پسرور کے نام سے ہوئی۔ حادثے کے نتیجے میں بائیں ہاتھ کی دوسری انگلی کا ناخن اکھڑ گیا، جس پر ریسکیو اہلکاروں نے موقع پر ہی ابتدائی طبی امداد فراہم کی۔