ہنگورجہ: رپورٹ فياض محسن سولنگي
ہنگورجہ قومی شاہراہ کے قریب واقع سوشل فارسٹری نرسری میں سرکاری درختوں کی مبینہ غیر قانونی کٹائی
کے انکشاف پر مقامی شہریوں میں تشویش کی لہر دوڑ گئی ہے۔
اطلاعات کے مطابق حکومتِ سندھ کے زیر انتظام ضلع خیرپور میں قائم سوشل فارسٹری نرسری کے قیمتی سرکاری درخت مسلسل غیر قانونی طور پر کاٹے جا رہے ہیں۔ مقامی شہریوں اور دیہاتیوں کا کہنا ہے کہ بعض بااثر عناصر اور لکڑی چوری کرنے والے گروہ رات کی تاریکی میں نرسری کے اندر موجود سرکاری درختوں کو کاٹ کر قومی اثاثے کو نقصان پہنچا رہے ہیں۔علاقہ مکینوں کے مطابق سوشل فارسٹری محکمہ کا بنیادی مقصد ماحولیات کا تحفظ، جنگلات کے رقبے میں اضافہ اور سرسبز ماحول کو فروغ دینا ہے، تاہم مبینہ غیر قانونی کٹائی کے باعث نہ صرف سرکاری املاک کو نقصان پہنچ رہا ہے بلکہ ماحولیاتی آلودگی اور موسمیاتی مسائل میں اضافے کا خدشہ بھی پیدا ہو گیا ہے۔شہریوں اور سماجی حلقوں نے کمشنر سکھر، ڈپٹی کمشنر خیرپور، اسسٹنٹ کمشنر سوبھوڈیرو، کنزرویٹر فارسٹ اور دیگر متعلقہ حکام سے مطالبہ کیا ہے کہ معاملے کا فوری نوٹس لیا جائے، غیر قانونی کٹائی میں ملوث عناصر اور ذمہ دار افراد کے خلاف سخت قانونی کارروائی کی جائے اور سوشل فارسٹری نرسری میں موجود سرکاری درختوں کو مکمل تحفظ فراہم کیا جائے تاکہ قومی ملکیت کو مزید نقصان سے بچایا جا سکے۔