نواب شاہ (رپورٹ نفیس آرائیں)
امیر جماعت اسلامی پاکستان حافظ نعیم الرحمن کی اپیل پر ملک گیر احتجاجی مہم کے سلسلے میں جماعت اسلامی نوابشاہ کی جانب سے پٹرول پر بھاری ٹیکسوں، مہنگی بجلی اور کمر توڑ مہنگائی کے خلاف شاہی مسجد قاضی مٹھائی شاپ قدیمی سبیل چوک پر ایک احتجاجی مظاہرہ کیا گیا۔احتجاجی مظاہرہ جماعت اسلامی کے ضلعی امیر طارق جاوید، سرور احمد قریشی اور نجف رضا، کی قیادت میں کیا گیا، اس موقع پر کارکنان اور شہریوں کی بڑی تعداد نے مظاہرے میں شرکت کی، مظاہرین نے حکومت مخالف اور مہنگائی کے خلاف شدید نعرے بازی کی۔ مظاہرے کے شرکاء سے خطاب کرتے ہوئے طارق جاوید، سرور احمد قریشی اور نجف رضا نے کہا کہ حکومت پٹرولیم مصنوعات اور بجلی کے نرخوں میں مسلسل اضافہ کر کے غریب عوام کا خون چوس رہی ہے۔ انہوں نے کہا کہ جنگ امریکہ اور ایران کی ہوئی لیکن پاکستانی حکومت نے اسے کمائی کا ذریعہ بناتے ہوئے پٹرول کی قیمتوں میں 200 روپے لیٹر کا اضافہ کر دیا جب کہ پڑوسی ممالک میں کہیں بھی ایسا نہیں ہوا انہوں نے حکومت سے پرزور مطالبہ کیا کہ اب جب کہ جنگ کا خاتمہ ہو گیا ہے پیٹرول اور ڈیزل کی قیمتیں کی قیمت فوری طور پر 225 روپے فی لیٹر مقرر کی جائے اوراود اسے 3 سال کے لیے فکس کیا جائے تا کہ ملک معاشی طور پر مستحکم ہو سکے ۔پیٹرول پر عائد ظالمانہ پیٹرولیم لیوی کو بھی فی الفور ختم کیا جائے۔بجلی اور گیس کے نرخوں میں عوام کو ریلیف دینے کے لئے واضح کمی کی جائے۔