مورو (رپورٹ محمد اسلم مغل)
دو سال قبل قتل ہونے والے حسنین جانی عباسی قتل کیس کا فیصلہ ہو گیا لنجار ہاؤس مورو میں مورو فلاحی کمیٹی کے کوآرڈینیٹر احمد نواز بھن، ڈاکٹر اسد اللہ کلہوڑو، ڈاکٹر مظہر علی کلہوڑو، اسلم امین آرائیں اور دیگر معززین کی سرپنچائی میں جرگہ منعقد ہوا۔ جرگے میں عباسی، کلہوڑو اور بُرڑو برادری کے امینوں سمیت مختلف برادریوں کے افراد نے شرکت کی۔ دونوں فریقین کی بات سننے کے بعد نوجوان کے قتل کا جرم دائم بُردہ پر ثابت ہوا۔ جرگے نے دائم بُرڑوکی طرف پر 98 لاکھ 25 ہزار روپے دیت کا فیصلہ سنایا۔دائم بُرڑو کی طرف نے فیصلے کو تسلیم کرتے ہوئے مقتول کے ورثاء کو دو ماہ میں مکمل رقم ادا کرنے کا عہد کیا، جس کے بعد مدعی کیس سے دستبردار ہو جائیں گے۔ فیصلے کے بعد دونوں فریقین نے گلے مل کر صلح کر لی اور آخر میں دعا کرائی گئی یاد رہے کہ دائم بُرڑوگزشتہ دو سال سے ڈسٹرکٹ جیل نوشہرو فیروز میں قتل کے مقدمے میں قید ہے۔ واقعے کے بعد ورثاء نے مورو تھانے میں دائم بُرڑو کے خلاف قتل کا مقدمہ درج کرایا تھا۔ کچھ عرصہ قبل دائم بُرڑو کے ورثاء کافلہ لے کر مقتول کے گھر صلح کے لیے گئے تھے، جس پر ورثاء نے قافلے کا مان رکھتے ہوئے جرگے کے ذریعے فیصلے پر رضامندی ظاہر کی تھی۔