اسلام آباد :وزیراعظم شہباز شریف نے امریکا اور ایران کے درمیان طویل عرصے سے جاری سفارتی رابطوں کے نتیجے میں امن معاہدہ طے ہونے کا اعلان کرتے ہوئے اسے خطے کے لیے اہم پیش رفت قرار دیا ہے۔
Following intensive talks, we are pleased to announce that the Peace Deal between the United States of America and Islamic Republic of Iran has been REACHED. Both sides have declared the immediate and permanent termination of military operations on all fronts, including in…
— Shehbaz Sharif (@CMShehbaz) June 14, 2026
انہوں نے بتایا کہ اس معاہدے کو باضابطہ شکل دینے کے لیے دستخطی تقریب 19 جون کو سوئٹزرلینڈ میں منعقد کی جائے گی۔وزیراعظم شہباز شریف نے اپنے سوشل میڈیا بیان میں کہا کہ مذاکرات کے کامیاب اختتام کے بعد دونوں ممالک کے درمیان ایک اہم امن سمجھوتہ سامنے آیا ہے، جس کا مقصد خطے میں کشیدگی کم کرنا اور استحکام کو فروغ دینا ہے۔انہوں نے اس پیش رفت میں قطر، سعودی عرب اور ترکیے کی سفارتی کوششوں اور ثالثی کے کردار کو سراہتے ہوئے کہا کہ ان ممالک نے فریقین کے درمیان رابطوں کو آگے بڑھانے میں اہم کردار ادا کیا۔
وزیراعظم کے مطابق معاہدے کے تحت تمام محاذوں پر جاری فوجی کارروائیوں کو فوری اور مستقل بنیادوں پر روکنے پر اتفاق کیا گیا ہے، جبکہ لبنان سمیت دیگر متاثرہ علاقوں میں بھی عسکری سرگرمیاں ختم کرنے کا فیصلہ شامل ہےانہوں نے مزید بتایا کہ ثالثی میں شامل ممالک رواں ہفتے مختلف سطحوں پر مزید ملاقاتیں کریں گے، جن میں معاہدے پر عملی عملدرآمد سے قبل تکنیکی اور انتظامی امور کو حتمی شکل دی جائے گی۔