نواب شاہ (رپورٹ: نفیس آرائیں)
سندھ ایمرجنسی ریسکیو سروس (ریسکیو 1122) شہید بینظیر آباد کے زیرِ اہتمام ڈرائیونگ لائسنس برانچ (آر ایچ کیو) میں ایک روزہ تربیتی سیشن منعقد کیا گیا۔ تربیتی پروگرام ڈسٹرکٹ ایمرجنسی آفیسر ذیشان مہدی کی نگرانی اور ڈی ایس پی ڈرائیونگ لائسنس برانچ غلام مصطفیٰ بلوچ کی دعوت پر منعقد ہوا۔ریسکیو 1122 کے ماہر انسٹرکٹرز نے شرکاء کو آگ لگنے کی صورت میں فوری حفاظتی اقدامات، دل کا دورہ پڑنے پر ابتدائی طبی امداد (فرسٹ ایڈ) اور انسانی جان بچانے کے مختلف مستند و مؤثر طریقۂ کار سے آگاہ کیا۔ اس موقع پر عملی مشقوں کے ذریعے ہنگامی حالات میں بروقت ردِعمل اور امدادی سرگرمیوں کی تربیت بھی فراہم کی گئی۔تربیتی سیشن میں ڈرائیونگ لائسنس برانچ کے 25 اہلکاروں نے شرکت کی اور ہنگامی صورتحال سے نمٹنے کے حوالے سے پیشہ ورانہ مہارتوں میں اضافہ کیا۔