ریاض+ لندن :جمعرات کی صبح، ایشیائی منڈیوں نے امریکہ اور ایران کے نئے تنازع پر تیزی سے رد عمل سامنے آیا ہے۔ شپنگ روٹ کی مکمل بندش کے اعلان اور بحری جہازوں پر ممکنہ حملے کی اطلاعات کے فوراً بعد تیل کی قیمتوں میں اضافہ ہوا۔
برینٹ کروڈ آئل کی قیمت، جسے عالمی تیل کی قیمت انڈیکس کہا جاتا ہے، ایشیائی منڈیوں میں صبح کی تجارت میں تقریباً دو فیصد اضافے کے بعد 95 ڈالر فی بیرل سے تجاوز کر گئی۔
برینٹ خام تیل کی قیمت 2.30 ڈالر یا 2.47 فیصد اضافے کے بعد 95.40 ڈالر فی بیرل تک پہنچ گئی، جبکہ امریکی ویسٹ ٹیکساس انٹرمیڈیٹ (ڈبلیو ٹی آئی) خام تیل 2.60 ڈالر یا 2.89 فیصد بڑھ کر 92.63 ڈالر فی بیرل ہوگیا۔ کاروبار کے ابتدائی مرحلے میں امریکی خام تیل کی قیمت میں 3 ڈالر سے زائد اضافہ بھی دیکھا گیا۔
ادھر امریکی محکمہ توانائی کے ادارے ای آئی اے کے مطابق 5 جون کو ختم ہونے والے ہفتے کے دوران امریکا کے خام تیل کے ذخائر 72 لاکھ بیرل کم ہو کر 426.5 ملین بیرل رہ گئے۔
تجزیہ کاروں نے 40 لاکھ بیرل کمی کی توقع ظاہر کی تھی۔ رپورٹ کے مطابق ایران جنگ کے آغاز کے بعد سے امریکی خام تیل کے ذخائر مجموعی طور پر 7 کروڑ 90 لاکھ بیرل کم ہو چکے ہیں، کیونکہ امریکا عالمی منڈی میں رسد کے خلا کو پورا کرنے کی کوشش کر رہا ہے۔
