سکھر ( رپورٹ/عبد الرحمان راجپوت )
ٹراما سینٹر سکھر: ایک ایسا عظیم الشان منصوبہ جو بدل دے گا خطے کی تقدیر!
اہلیانِ سکھر اور گرد و نواح کے اضلاع کے لیے ناقابلِ یقین خوشخبری! بہت جلد سکھر میں ایک جدید ترین ‘ٹراما سینٹر’ کا افتتاح ہونے جا رہا ہے۔ یہ محض ایک عمارت نہیں، بلکہ صحت کے شعبے میں ایک ایسا تاریخی سنگِ میل ہے جو کروڑوں لوگوں کی زندگیوں کے لیے ایک مسیحا ثابت ہوگا
یہ عظیم منصوبہ نہ صرف سکھر کے لیے بلکہ بلوچستان کے متعدد اضلاع اور سندھ کے دور دراز علاقوں کے لاکھوں مریضوں کے لیے کسی نعمتِ غیر مترقبہ سے کم نہیں ہے۔ اب حادثات یا ہنگامی صورتحال میں گھنٹوں کا سفر کرکے بڑے شہروں کی طرف بھاگنے کی ضرورت نہیں رہے گی؛ اب عالمی معیار کی طبی سہولیات آپ کی دہلیز پر دستیاب ہوں گی۔
یہ ہسپتال خطے کے لیے امید کی ایک نئی کرن اور انسانی جانیں بچانے کا سب سے بڑا مرکز بننے جا رہا ہے۔ سکھر کی ترقی اور صحت کے شعبے میں اس انقلاب پر ہم اللہ تعالیٰ کا جتنا بھی شکر ادا کریں کم ہے