ھنگورجہ رپورٹ فیاض محسن سولنگی
ہنگورجہ میں محرم الحرام کے دوران امن و امان کی صورتحال کو برقرار رکھنے کے لیے ایس ایچ او ہنگورجہ اقبال نون کی زیرِ صدارت ایک اہم اجلاس منعقد کیا گیا۔اجلاس میں مختلف مکاتبِ فکر کے رہنماؤں، شہریوں، صحافیوں اور علاقے کی دیگر معزز شخصیات نے شرکت کی، جن میں استاد نیاز دایو، مولوی مختار جوگی، سید میثم شاہ، صحافی غلام حسین چانگ، شمن راجپر اور دیگر شامل تھے۔اجلاس کے دوران محرم الحرام کے جلوسوں، امام بارگاہوں کی سیکیورٹی اور جلوسوں کے روٹس کے حوالے سے تفصیلی غور و خوض کیا گیا۔ایس ایچ او ہنگورجہ اقبال نون نے شرکاء کو یقین دہانی کرائی کہ محرم الحرام کی مذہبی سرگرمیوں کے لیے فول پروف سیکیورٹی فراہم کی جائے گی اور امن و امان کے قیام کے لیے ہنگورجہ پولیس مکمل طور پر الرٹ رہے گی تاکہ کسی بھی ناخوشگوار واقعے کا بروقت اور مؤثر انداز میں مقابلہ کیا جا سکے۔