سیالکوٹ (سلیم احمد اعوان شیخو) تحصیل ڈسکہ کے تھانہ موترہ کے علاقہ جامکے چیمہ روڈ پر نہر کا پل عبور کرتے ہوئے تیز رفتاری کے باعث موٹر سائیکل بے قابو ہو کر نہر میں جا گری موٹر سائیکل پر تین افراد سوار تھے۔
تینوں نے نہر سے نکلنے کی کوشش کی تاہم 20 سالہ علی احمد ولد محمد نذیر حسین پانی کے تیز بہاؤ کے باعث ڈوب گیا جبکہ دیگر دو افراد محفوظ رہے۔
اطلاع ملتے ہی ریسکیو 1122 کی ریسکیو ٹیم فوری طور پر موقع پر پہنچ گئی اور تیسرے شخص کی تلاش کے لئے ریسکیو 1122 کا سرچ آپریشن جاری ہے۔
