نکاح ہوچکا، مومنہ اب میری عزت، وہ شیرنی ہے ،حمزہ حبیب،حفاظتی ضمانت منظور،گٹرگیم میں مت جائیں، علی اشفاق ایڈووکیٹ

لاہور:مومنہ اقبال کےشوہرحمزہ حبیب نے کہا ہے کہ ہمارا نکاح ہوچکا ہے،مومنہ میری اب بیوی اور عزت ہے،وہ میری ریڈلائن ہے اگر اسکو کراس کیاگیا تو برادشت نہیں کروں گا،میری بیوی شیرنی ہے۔
نجی ٹی وی سما نیوز کے مطابق لاہورہائیکورٹ میں میڈیا سےگفتگومیں حمزہ حبیب نےالزام عائدکیا کہ ثاقب چدھڑ نے انکے خلاف جھوٹی ایف آئی آر درج کروائی،جبکہ اس سے قبل رابطہ کر کے انہیں مومنہ اقبال سے دور ہونے کے بدلے دولت کی پیشکش بھی کی گئی۔
انکا مزیدکہنا تھا کہ ثاقب چدھڑ مجھے خرید نہیں سکتا،مومنہ کو نہیں چھوڑوں گا۔ائیکورٹ میں اداکارہ مومنہ اقبال اور ثاقب چڈھر کے تنازعے سے متعلق کیس میں اہم پیش رفت سامنے آ گئی۔
قبل ازیںثاقب چڈھر کو دھمکیاں دینے کے مقدمے میں مومنہ اقبال کے منگیتر حمزہ حبیب کی حفاظتی ضمانت منظور کر لی گئی۔ عدالت نے حمزہ حبیب کو عبوری ضمانت کے لیے یکم جون تک متعلقہ عدالت سے رجوع کرنے کی ہدایت بھی جاری کر دی۔
جسٹس عبہر گل نے حمزہ حبیب کی حفاظتی ضمانت کی درخواست پر سماعت کی۔ دوران سماعت درخواست گزار کے وکیل نے مؤقف اختیار کیا کہ حمزہ حبیب کے خلاف جھنگ پولیس نے مقدمہ درج کر رکھا ہے۔عدالت نے ابتدائی دلائل سننے کے بعد حمزہ حبیب کی حفاظتی ضمانت منظور کرتے ہوئے انہیں متعلقہ فورم سے رجوع کرنے کی ہدایت کر دی۔
دوسری طرف ایم پی اے ثاقب چدھڑ کے وکیل میاں علی اشفاق نے کہا ہے کہ ثاقب چدھڑ اور ان کی اہلیہ نے این سی سی آئی اے کو اپنا مفصل بیان ریکارڈ کرا دیا ہے۔
میڈیا سے گفتگو کرتے ہوئے میاں علی اشفاق کا کہنا تھا کہ چار گھنٹے تک طویل سوال جواب ہوئے۔ان کے پاس دو ٹوک اور واضح ثبوت موجود ہیں جبکہ کیس میں تفتیش کے کئی مراحل ابھی آگے بڑھیں گے۔درجنوں ایسے شواہد پیش کیے گئے ہیں جن کا فرانزک بھی ہوسکتا ہے۔اس معاملے میں وہ خود وکٹم ہیں اور ذاتی طور پر سمجھتے ہیں کہ وہ اس مرحلے میں کامیاب ہوئے ہیں۔میاں علی اشفاق نے مزید کہا ہم بار بار اجتناب کر رہے ہیں کہ گٹر گیم میں مت جائیں اگر کوئی جائے گا اور زبردستی جائے گا تو پھر ہم اپنا دفاع کرنے کا حق رکھتے ہیں۔