رہبراعلیٰ مجتبیٰ خامنہ ای نے امریکا سے امن معاہدے کی منظوری دیدی، چندروز میں فائنل ہوجائے گا

تہران+واشنگٹن: رہبراعلیٰ مجتبیٰ خامنہ ای نے امریکا سے ڈیل کی منظوری دیدی، تفصیلات پر کام شروع ، چند دن میں معاہدہ فائنل ہوجائے گا، ایگزیوس کی رپورٹ
امریکا کی نیوز ویب سائٹ ’’ ایگزیوس ‘‘ نے امریکی صدر ڈونلڈ ٹرمپ کی انتظامیہ کے ایک اعلیٰ عہدیدار کے حوالے سے بتایا ہے کہ مذاکرات میں اب بھی کچھ ایسی تفصیلات اور تحریروں پر "لو اور دو” کا سلسلہ جاری ہے جو امریکی اور ایرانی دونوں فریقوں کے لیے اہم تصور کی جاتی ہیں۔ انہوں نے اس بات کی طرف توجہ دلائی کہ ایرانی نظام اپنی موجودہ شکل میں تیزی سے کام نہیں کرتا اور اس معاملے کو منظوری کے تمام مراحل سے گزرنے میں چند دن لگیں گے۔
ویب سائٹ کے مطابق امریکی عہدیدار نے واضح کیا کہ امریکی اندازوں سے پتہ چلتا ہے کہ ایرانی سپریم لیڈر مجتبیٰ خامنہ ای نے معاہدے کے عمومی خطوط کی منظوری دے دی ہے لیکن انہوں نے کہاکہ اسے حتمی معاہدے میں تبدیل کرنا اب بھی ایک کھلا معاملہ ہے۔