انورزیب خان سے
آئی جی پی خیبر پختونخوا ذوالفقارحمید کا شیخ الحدیث مولانا محمد ادریس کی شہادت پر تعزیت کیلئے ضلع چارسدہ کا دورہ۔
آئی جی پی ذوالفقارحمید ترنگزئی میں واقع شیخ صاحب کی رہائش گاہ پر گئے،بھائیوں اور دیگر ورثاء سے ملاقات، ایصال ثواب کیلئے فاتحہ خوانی۔
مولانا صاحب لاکھوں فرزندانِ اسلام کے استاد اور نامور محدث تھے، شہادت نا قابل تلافی نقصان ہے ۔ آئی جی پی
مولانا صاحب کے قاتلوں کے گردگھیرا تنگ کر رہے ہیں ، سی ٹی ڈی اور ضلعی پولیس کی خصوصی ٹیمیں دن رات تفتیش میں مصروف عمل ہیں۔آئی جی پی
مولانا صاحب کی شہادت میں ملوث عناصر جلد قانون کے کٹہرے میں ہونگےان شاء اللہ ۔ آئی جی پی
• آئی جی پی ذوالفقارحمید کی ڈی آئی جی اعجاز خان کی والدہ کے انتقال پر تعزیت کیلئے ان کے آبائی علاقے زیم آمد۔
• آئی جی پی نے مرحومہ کی ایصال ثواب کیلئے فاتحہ خوانی کی ، ورثاء سے تعزیت کا اظہار ۔
انسپکٹر جنرل آف پولیس خیبر پختونخوا ذوالفقارحمیدگزشتہ دنوں دہشتگردانہ حملے میں شہادت کے رتبے پر فائز ہونے والے شیخ الحدیث مولانا محمد ادریس صاحب کے ورثاء سے تعزیت کیلئے ان کے آبائی علاقہ ترنگزئی ضلع چارسدہ گئے ۔اس موقع پر ایڈیشنل آئی جی آپریشنز محمد علی بابا خیل ، ریجنل پولیس آفیسر مردان ربنواز خان ، ڈی پی او چارسدہ وقاص خان ،پی ایس او ٹو آئی جی پی رائے مظہر اقبال اور ایس پی انو سٹی گیشن چارسدہ عالم زیب خان بھی ان کے ہمراہ تھے۔آئی جی پی شہید مولانا محمد ادریس کے بھائی مولانا محمد یوسف اور صاحبزادے مولانا محمد انیس سے ملے ،ان سے دلی تعزیت کی اور شہید کے ایصال ثواب کیلئے فاتحہ خوانی بھی کی۔
بعد ازاں آئی جی خیبر پختونخوا پولیس ذوالفقار حمید ڈی آئی جی اعجاز خان کی والدہ ماجدہ کی وفات پر تعزیت کیلئے ان کےرہائشی علاقے زیم ضلع چارسدہ بھی گئے ۔ آئی جی پی نے مرحومہ کی وفات پر دلی رنج و غم کا اظہار کیا اور ان کے ایصال ثواب کیلئے فاتحہ خوانی کی ۔