سیالکوٹ (سلیم احمد اعوان شیخو)
تھانہ پھلورہ کے علاقہ ڈوگری ہریاں میں گزشتہ روز گھریلو جھگڑا پر اپنی بیوی مسرت عرف صبا ،ساس فہمیدہ اور سالے سفیان کو اپنے ساتھیوں کے ساتھ مل کر فائرنگ کر کے قتل کرنے والے ملزم مدثر اور اس کے ساتھیوں کو ابھی تک پولیس گرفتار کرنے میں ناکام رہی ہے۔اس سلسلہ میں مذکورہ تھانہ کے ایس ایچ اور یسین نے رابطہ کرنے پر بے نقاب نیوز کو بتایا کہ ملزم مدثر اور اس کا ساتھ دینے والے اس کے تین ساتھیوں کی گرفتاری کے لئے پولیس مسلسل ممکنہ جگہوں اور مقامات پر چھاپے مار رہی ہے جبکہ پولیس ملزم اور اس کے ساتھیوں کی گرفتاری کے لئے کوئی دقیقہ فروگزاشت نہ کرے گی اور نہ ہی کوئی دبا قبول کرے گی بلکہ پولیس تمام وسائل بروئے کار لانے کے ساتھ ساتھ جد ٹیکنالوجی کا استعمال بھی کرے گی۔ڈسٹرکٹ پولیس آفیسر سیالکوٹ کیپٹن دوست محمد کے مطابق مذکورہ واقعہ میں ملوث ملزمان کو جلد از جلد گرفتار کر کے کیفر کردار تک پہنچایا جائے گا۔ان کا کہنا ہے کہ انسپکٹر جنرل آف پولیس پنجاب عبد الکریم را اور ریجنل پولیس آفیسر گوجرانولہ ریجن نے بھی مذکورہ واقعہ کا سخت نوٹس لیا ہے اور ہدایت جاری کی ہے کہ جتنی جلدی ممکن ہو سکے ملزم اور اس کے ساتھیوں کو گرفتار کیا جائے۔انھوں نے کہا کہ اس سلسلہ میں پولیس کی ٹیمیں تشکیل دی جا رہی ہیں تاکہ ملزم اور اس کے ساتھیوں کی جلد گرفتاری عمل میں لائی جا سکے۔