نئی دہلی :بھارت کاجنگی جنون برقرار، ایک ہی لانچ کے ذریعے متعدد اہداف کو نشانہ بنانے والے جدید’’اگنی‘‘ میزائل کا کامیاب تجربہ کر لیا ہے۔
انڈیا ٹوڈے کے مطابق اڈیشہ کے ساحل کے قریب ڈاکٹر اے پی جے عبدالکلام آئی لینڈ سے کیے گئے اس تجربے میں’’ملٹی پل انڈیپینڈنٹلی ٹارگیٹڈ ری اینٹری وہیکل‘‘ (MIRV) ٹیکنالوجی کا استعمال کیا گیا، جو بھارت کی سٹریٹجک طاقت میں ایک بڑی پیش رفت قرار دی جا رہی ہے۔ اس ٹیکنالوجی کی بدولت ایک ہی میزائل سے کئی جنگی ہتھیار (Payloads) فائر کیے جا سکتے ہیں جو بحر ہند کے وسیع علاقے میں پھیلے مختلف اہداف کو بیک وقت کامیابی سے نشانہ بنانے کی صلاحیت رکھتے ہیں۔
Advanced Agni missile with MIRV (Multiple Independently Targeted Re-Entry Vehicle) system was successfully tested from Dr. APJ Abdul Kalam Island, Odisha on 08th May 2026.
The missile was flight tested with Multiple payloads, targeted to different targets spatially distributed… pic.twitter.com/W7ufT7pwbt
— DRDO (@DRDO_India) May 9, 2026
اس کامیاب تجربے کے ساتھ ہی بھارت دنیا کے ان 5 مخصوص ممالک کی فہرست میں شامل ہو گیا ہے جو ایک ہی میزائل سسٹم کے ذریعے متعدد ایٹمی یا روایتی ہتھیار گرانے کی صلاحیت رکھتے ہیں۔ ان ممالک میں امریکہ، روس، چین، فرانس اور برطانیہ شامل ہیں۔ دفاعی ذرائع کے مطابق یہ تجربہ ’’اگنی-5‘‘ میزائل کا ایک جدید ورژن تھا جسے ’’مشن دیویاستر‘‘ کے تحت لانچ کیا گیا تاکہ ایم آئی آر وی (MIRV) ٹیکنالوجی کی درستگی اور افادیت کی توثیق کی جا سکے۔
اس سے قبل بھارت نے گزشتہ برس مارچ میں اس ٹیکنالوجی کا پہلا تجربہ کیا تھا۔ وزارت دفاع نے تصدیق کی ہے کہ زمین اور بحری جہازوں پر نصب ٹریکنگ سسٹمز کے ذریعے میزائل کے پورے راستے کی نگرانی کی گئی اور تمام مشن مقاصد کامیابی سے حاصل کر لیے گئے۔