معرکہ حق کی پہلی سالگرہ کے موقع پر صوابی میں ایک شاندار ریلی کا انعقاد

صوابی (ڈسٹرکٹ رپورٹر حق نواز خان سے)معرکہ حق کی پہلی سالگرہ کے موقع پر صوابی میں ایک شاندار ریلی کا انعقاد کیا گیا، جس کی قیادت ڈپٹی کمشنر صوابی طارق اللہ خان اور ڈی پی او صوابی وقاص رفیق نے کی۔ ریلی کے شرکا سے خطاب کرتے ہوئے مقررین کا کہنا تھا کہ معرکہ حق میں ہندوستان کے ناپاک عزائم کو خاک میں ملا کر پاکستان نے دنیا پر اپنی دفاعی صلاحیت ثابت کردی ہے۔ مقررین نے کہا کہ ایک سال کے دوران پاکستان کا وقار عالمی سطح پر مزید بلند ہوا جبکہ افواجِ پاکستان اور عوامی قیادت نے ملک کو ناقابلِ تسخیر بنا دیا ہے۔ریلی میں ضلعی انتظامیہ، پولیس، سول ڈیفنس، تاجران تنظیموں، صوابی پریس کلب رجسٹرڈ، مختلف اداروں کے افسران، سماجی شخصیات اور طلبا کی بڑی تعداد نے شرکت کی۔ اس موقع پر گورنمنٹ پرائمری سکول مٹونہ کے طلبا نے شاندار پرفارمنس پیش کرکے حاضرین سے خوب داد وصول کی۔VCصوابی میں معرکہ حق کی پہلی سالگرہ کے سلسلے میں ایک عظیم الشان ریلی نکالی گئی، جس میں ڈپٹی کمشنر صوابی طارق اللہ خان، ڈی پی او وقاص رفیق، ضلعی انتظامیہ، پولیس، سول سوسائٹی، تاجران، طلبا اور شہریوں نے بھرپور شرکت کی۔ ریلی کے شرکا نے قومی یکجہتی، حب الوطنی اور افواجِ پاکستان کے ساتھ اظہارِ یکجہتی کیا۔مقررین نے خطاب کرتے ہوئے کہا کہ معرکہ حق میں پاکستان نے دشمن کے عزائم ناکام بنا کر دنیا کو واضح پیغام دیا کہ ملک کے دفاع پر کوئی سمجھوتہ نہیں ہوگا۔ اس موقع پر گورنمنٹ پرائمری سکول مٹونہ کے طلبا کی خوبصورت پرفارمنس تقریب کا مرکزِ توجہ بنی، جبکہ شرکا نے پاکستان زندہ باد اور افواجِ پاکستان کے حق میں نعرے بھی لگائے۔