سکھر ،رپوٹ بیورو چیف محمد قاسم ملک)
سیپکو سب ڈویژن 2 کی جانب سے پاک فوج کو خراجِ تحسین پیش کرنے کیلئے شاندار ریلی،وی اوسیپکو سب ڈویژن 2 سکھر کی جانب سے معرکہ حق اور بنیان مرصوص کی کامیابی کو ایک سال مکمل ہونے پر پاک فوج کو خراجِ تحسین پیش کرنے کیلئے شاندار ریلی نکالی گئی، ریلی پاکستان زندہ باد اور پاک فوج زندہ باد کے نعروں سے گونجتی رہی، ریلی کی قیادت سیپکو سب ڈویژن 2 کے ایس ڈی او مشتاق احمد قریشی نے کی، جبکہ چیئرمین نظر محمد میمن، اسد ساوند، علی رضا میمن، ملوک سومرو، زھیب بھٹو، ناصر جمیل، شفیق احمد، صبحان اعجاز، غلام مصطفی اور اعجاز برڑو سمیت سیپکو اہلکاروں کی بڑی تعداد نے شرکت کی، شرکا نے ہاتھوں میں قومی پرچم اٹھا رکھے تھے اور پاک فوج سے بھرپور محبت و یکجہتی کا اظہار کیا، ریلی سے خطاب کرتے ہوئے مقررین نے کہا کہ سپہ سالار فیلڈ مارشل سید عاصم منیر اور افواجِ پاکستان قوم کی جان، شان اور قومی عظمت کی علامت ہیں، ایک سال قبل مکار دشمن بھارت کو دیا گیا تاریخی جواب آج بھی دنیا کو یاد ہے اور عالمی برادری پاکستان کی دفاعی صلاحیتوں کو تسلیم کرتی ہے، پاکستانی عوام خواہ کسی بھی رنگ، نسل یا مذہب سے تعلق رکھتے ہوں، وہ اپنی بہادر افواج کے شانہ بشانہ کھڑے ہیں، افواجِ پاکستان اور عوام کے درمیان اتحاد اور یکجہتی وطنِ عزیز کے دفاع کی مضبوط ضمانت ہے , پوری دنیا جانتی ہے کہ پاکستان کے دشمنوں کے خلاف قوم اور افواج کا اتحاد ناقابلِ تسخیر ہے اور کوئی بھی دشمن پاکستان کی طرف میلی آنکھ سے دیکھنے کی جرات نہیں کر سکتا،ریلی کے اختتام پر وطنِ عزیز پاکستان کی سلامتی، ترقی اور افواجِ پاکستان کی کامیابی و استحکام کیلئے خصوصی دعائیں بھی کی گئیں۔