اسلام آباد:عظیم فتح، قومی عزم اورجرات کی شاندارداستان،کتاب "معرکۂ حق "کی پروقارتقریب رونمائی ہوئی جس میں مختلف شعبہ ہائےزندگی سےتعلق رکھنےوالےافراد نے بڑی تعدادمیں شرکت کی۔
کتاب میں بھارتی جارحیت کیخلاف پاک فوج کےآپریشن بنیان مرصوص اورپیشہ ورانہ مہارتوں کواجاگرکیاگیاہے۔مقررین نےمدلل اورپراثراندازمیں کتاب کےمندرجات،تاریخی پس منظراورفکری جہتوں پرروشنی ڈالی۔ڈاکٹر یوسف عالمگیرین نے اظہارِ خیال کرتے ہوئے کہا کہ معرکہ حق نئی نسل کیلئےمشعل راہ اورجذبہ حب الوطنی کوفروغ دینےکااہم ذریعہ ہے۔ کتاب میں معرکہ حق کےولولہ انگیزلمحات کونہایت مہارت اورجامع انداز سے پیش کیا گیا ہے۔
کتاب کےمصنف کرنل(ر)اشفاق حسین کاکہنا ہے کہ پاکستانی قوم اورافواجِ پاکستان کادشمن کی جارحیت کےسامنےسیسہ پلائی دیواربننااس کتاب کابنیادی موضوع ہے۔ انہوں نے کہا کہ قوموں کی تاریخ محض واقعات سےنہیں بلکہ جذبوں،قربانیوں اوراجتماعی شعورسےمرتب ہوتی ہے۔
معروف عسکری تجزیہ کاراور مصنف بریگیڈیئر (ریٹائرڈ) صولت رضا نے کہا کہ معرکہ حق قومی تاریخ میں ایک اہم اور قابلِ قدر اضافہ ہے۔مصنف نے نہایت مہارت سے معرکۂ حق کے ولولہ انگیز لمحات کو تحریر کے قالب میں ڈھالا ہے، جو ان کے گہرے مشاہدے کا ثبوت ہے۔یہ کتاب نہ صرف ماضی کو محفوظ کرتی ہے بلکہ مستقبل کے لیے ایک فکری سمت بھی متعین کرتی ہے۔مصنف نے معرکہ حق میں افواج پاکستان کی پیشہ ورانہ صلاحیتوں اور لازوال جذبے کو بڑے جامع اور موثر انداز میں اجاگر کیا ہے۔
مجتبیٰ حیدر نے کہا کہ یہ تصنیف نئی نسل کے لیے ایسا چراغ ہے، جس کی روشنی میں وہ قومی وقار اور دفاعِ وطن کی اہمیت سے روشناس ہوتے رہیں گے۔ایسی تصانیف قومی شعور کو بیدار رکھنے اور نئی نسل کو جذبہ حب الوطنی سے سرشار کرنے میں اہم کردار ادا کرتی رہیں گی۔