ٹرمپ کی ’تاحیات صدارت‘ کا خواب یا حقیقت؟ 8 سال مزید رہنے کے اعلان پر سوشل میڈیا پر زلزلہ، مخالفین کے لیے ’کوڈ ریڈ‘!

    واشنگٹن: پیر کے روز ایک بزنس سمٹ سے خطاب کرتے ہوئے صدر ٹرمپ نے ٹیکس کٹوتیوں کے فوائد پر بات کرتے ہوئے اچانک یہ کہہ کر سب کو حیران کر دیا کہ:”…اور اس طرح، جب میں آٹھ یا نو سال بعد اپنے عہدے سے سبکدوش ہوں گا، تو میں اسے خود استعمال کرنے کے قابل ہوں گا“۔


    ٹرمپ کا یہ بیان محض ایک جملہ نہیں بلکہ ان کے اس ارادے کی کڑی ہے جس کا تذکرہ وہ اکثر کرتے رہتے ہیں۔ گزشتہ سال این بی سی نیوز کو انٹرویو دیتے ہوئے انہوں نے واضح کیا تھا کہ وہ تیسری بار صدر بننے کے خیال پر کوئی ’مذاق‘ نہیں کر رہے کیونکہ بہت سے لوگ ایسا ہی چاہتے ہیں۔
    مارچ 2025 میں ایئر فورس ون پر صحافیوں سے گفتگو کے دوران انہوں نے ایک نئی منطق پیش کی:
    ان کا کہنا تھا کہ لوگ مجھ سے تیسری ٹرم کا مطالبہ کر رہے ہیں۔
    ٹرمپ کے مطابق چونکہ 2020 کے انتخابات ’دھاندلی زدہ‘ تھے، اس لیے ان کی اگلی ٹرم تکنیکی طور پر چوتھی ٹرم ہوگی۔
    ’ٹرمپ 2028‘: تیاری مکمل ہے!
    جہاں بہت سے لوگ اسے محض ٹرمپ کا طنزیہ انداز قرار دے رہے ہیں، وہیں زمینی حقائق کچھ اور ہی کہانی سنا رہے ہیں۔ٹرمپ کے آفیشل اسٹور پر "Trump 2028” کے نام سے سامان اور مرچنڈائز پہلے ہی دستیاب ہے جسے نمایاں طور پر فروخت کیا جا رہا ہے۔
    کیلیفورنیا کے گورنر گیون نیوزوم نے اسے امریکی جمہوریت کے لیے ’کوڈ ریڈ‘ قرار دیتے ہوئے خدشہ ظاہر کیا ہے کہ شاید 2028 میں سرے سے انتخابات ہی نہ ہوں۔

    ٹرمپ کے اس بیان کے بعد سوشل میڈیا پر طنز و مزاح اور تنقید کا ایک نہ رکنے والا سلسلہ شروع ہو گیا ہے۔ ناقدین کا کہنا ہے کہ ٹرمپ اب محض تیسری نہیں بلکہ چوتھی ٹرم کے خواب دیکھ رہے ہیں، جبکہ حامی اسے ان کا ’بے پناہ اعتماد‘ قرار دے رہے ہیں۔


    امریکی آئین کی رو سے کوئی بھی شخص دو بار سے زیادہ صدر نہیں بن سکتا، لیکن ٹرمپ کے ان بیانات نے اس بحث کو چھیڑ دیا ہے کہ کیا وہ آئین میں تبدیلی کا ارادہ رکھتے ہیں یا یہ محض ان کا ایک اور سیاسی اسٹنٹ ہے؟

    Related Posts