لاہور+اسلام آباد :ملک بھر میں آٹے کی قیمتوں کو پر لگ گئے، ایک ہفتے میں آٹے کا 20کلو کا تھیلا 200روپے تک مہنگاہوگیا، کراچی کے شہری ملک میں سب زیادہ مہنگا آٹا خریدنے پر مجبور ہیں،جہاں آٹے کا 20کلو کا تھیلا 2500روپے تک پہنچ گیا۔
وفاقی ادارہ شماریات کی رپورٹ کے مطابق ایک ہفتے کے دوران حیدرآباد، لاڑکانہ میں 20کلو آٹے کا تھیلا200روپے، سرگودھا 190روپے،سکھر میں 160روپے مہنگا ہوا۔
دستاویزات کے مطابق 20کلو آٹے کا تھیلا ملتان میں 133روپے،کراچی اور خضدار میں 100،کوئٹہ 90روپے،اسلام آباد66 روپے، گوجرانوالہ66 روپے اورراولپنڈی میں40روپے کا اضافہ ریکارڈ کیا گیا۔
ادارہ شماریات کے مطابق لاہور میں 20کلو آٹے کے تھیلے کی قیمت ملک بھر میں سب سے کم 1810ہے۔کوئٹہ میں 2050روپے ،اسلام آباد2373،پشاور2350،بنوں اور خضدار 2300روپے ،راولپنڈی2347،فیصل آباد2250،سکھراورلاڑکانہ 2200 روپے،گوجرانوالہ، ملتان، سیالکوٹ2133 روپے اورسرگودھا میں 2000روپے ہے۔
