” مائیکل “کنگ آف پاپ کا عالمی باکس آفس پر تاریخی قبضہ:  عالمی ریکارڈز کے پرخچے اڑا دیے!جعفر جیکسن کی لازوال پرفارمنس

لاس اینجلس: موسیقی کی دنیا کے بے تاج بادشاہ مائیکل جیکسن کا جادو ایک بار پھر پوری دنیا کے سر چڑھ کر بولنے لگا ہے۔ ان کی سوانح حیات پر مبنی فلم ’مائیکل‘ نے ریلیز ہوتے ہی وہ کامیابی سمیٹی ہے جس کی مثال تاریخ میں نہیں ملتی۔
ورائٹی کی رپورٹ کے مطابق، فلم نے پہلے ہی ویک اینڈ پر امریکا میں 97 ملین ڈالر اور عالمی سطح پر 217 ملین ڈالر کا ہوش رُبا بزنس کر کے ’بوہیمین ریپسوڈی‘ جیسی بڑی فلموں کو پیچھے چھوڑ دیا ہے۔ ناقدین کی بحث ایک طرف، مگر شائقین نے ثابت کر دیا کہ مائیکل جیکسن کی مقبولیت آج بھی ناقابلِ تسخیر ہے۔ مائیکل کے بھتیجے جعفر جیکسن کی شاندار پرفارمنس نے پردہ سیمیں پر لیجنڈری سٹار کو ایک بار پھر زندہ کر دیا ہے۔لیجنڈری پاپ سٹار مائیکل جیکسن کی سوانچ حیات پر مبنی فلم ’مائیکل‘ نے ریلیز ہوتے ہی باکس آفس پر دھوم مچا دی ہے۔

ورائٹی ویب سائٹ کے مطابق لیونزگیٹ کی اس بائیوپک نے پہلے ہی ویک اینڈ میں امریکا میں تقریباً 97 ملین ڈالر جبکہ دنیا بھر میں 217 ملین ڈالر کا بزنس کر کے تاریخ رقم کر دی۔ یہ کسی بھی بایوپک کی اب تک کی سب سے بڑی اوپننگ ہے، جس نے سٹریٹ آوٹا کیمپٹن اوربوہیمین ریپسوڈی کے ریکارڈ بھی توڑ دیے۔ناقدین کی ملی جلی آراء کے باوجود شائقین نے فلم کو بھرپور پذیرائی دی ہے، جس سے واضح ہے کہ مائیکل جیکسن کی مقبولیت آج بھی ویسی ہی مضبوط ہے۔
فلم میں لیجنڈری پاپ سٹار کی زندگی کے ابتدائی دنوں سے لے کر عالمی شہرت تک کا سفر دکھایا گیا ہے، جبکہ ان کے حقیقی بھتیجے جعفر جیکسن نے مرکزی کردار ادا کر کے سب کی توجہ حاصل کر لی ہے۔جعفر جرمین جیکسن اور الیخاندرا جینیویو اوزیا زا کے بیٹے ہیں۔ دونوں 1995 سے 2003 تک شادی کے بندھن میں رہے اور جولائی 1996 میں جعفر کی پیدائش ہوئی۔
جرمین جیکسن ایک گلوکار، نغمہ نگار اور پروڈیوسر ہیں، جو اپنے بھائی مائیکل کے ساتھ جیکسن فائیو کے رکن رہے۔