ممبئی: کیا بالی وڈ کے ‘دیپ ویر’ کے گھر ایک بار پھر خوشیوں کی دستک ہونے والی ہے؟ جی ہاں! دیپیکا پڈوکون اور رنویر سنگھ نے اپنی دوسری پریگننسی کا باقاعدہ اعلان کر دیا ہے۔ اس بار اعلان کا انداز اتنا دلکش تھا کہ دیکھتے ہی دیکھتے یہ پوسٹ وائرل ہوگئی۔
دیپیکا اور رنویر نے انسٹاگرام پر ایک مشترکہ پوسٹ شیئر کی جس میں ان کی بیٹی ‘دعا’ کی ایک جھلک دکھائی گئی ہے۔ تصویر میں ننھی دعا نے اپنے ننھے ہاتھوں میں پریگننسی ٹیسٹ کٹ تھام رکھی ہے جس پر ‘پازیٹو’ کے نشانات واضح ہیں۔
View this post on Instagram
دیپیکا نے اس پوسٹ کے کیپشن میں کسی لمبی چوڑی تحریر کے بجائے صرف دو ‘نظرِ بد دور’ (Evil Eye) کے ایموجیز لگائے، جو ان کی خوشی اور تشکر کی عکاسی کر رہے ہیں۔
یاد رہے کہ دیپیکا پڈوکون اور رنویر سنگھ 14 نومبر 2018 کو اٹلی کے مشہور مقام ‘لیک کومو’ میں رشتہ ازدواج میں منسلک ہوئے تھے۔ ان کی شادی کی تقریبات دو مختلف ثقافتوں (کونکنی اور سندھی) کا حسین امتزاج تھیں، اور اب یہ جوڑی اپنی زندگی کے ایک نئے اور خوبصورت باب کا آغاز کرنے جا رہی ہے۔
جیسے ہی یہ پوسٹ سامنے آئی، بالی وڈ انڈسٹری اور مداحوں کی جانب سے مبارکبادوں کا ایک طوفان آ گیا۔ ہر کوئی اس سوال کے ساتھ پرجوش ہے کہ کیا دعا کو چھوٹا بھائی ملے گا یا چھوٹی بہن؟
سوشل میڈیا پر اس وقت صرف ایک ہی چرچا ہے: "کیا دیپیکا ایک بار پھر اپنی فلمی مصروفیات سے بریک لینے والی ہیں؟” خیر، جو بھی ہو، دیپ ویر کے مداحوں کے لیے آج کا دن کسی جشن سے کم نہیں!!