کیلیفورنیا: کینیڈا کے سابق وزیراعظم جسٹن ٹروڈو ایک بار پھر عالمی میڈیا کی توجہ کا مرکز بن گئے ہیں، لیکن اس بار وجہ کوئی سیاسی بحران نہیں بلکہ ان کی ‘رنگین’ نجی زندگی ہے۔ 54 سالہ سابق وزیراعظم کو کیلیفورنیا کے مشہور زمانہ ‘کوچلا’ (Coachella) میوزک فیسٹیول میں اپنی نئی دوست اور عالمی شہرت یافتہ گلوکارہ کیٹی پیری کے ساتھ نہایت خوشگوار موڈ میں دیکھا گیا ہے۔
NEW: Former Canadian Prime Minister Justin Trudeau was spotted attending Coachella with his girlfriend, Katy Perry.
The 54-year-old former prime minister was seen wearing a white shirt and a backward hat.
Just over a year ago, Trudeau made the announcement that he would be… pic.twitter.com/6GNGVuAN3d
— Collin Rugg (@CollinRugg) April 12, 2026
سوشل میڈیا پر وائرل ہونے والی تصاویر اور ویڈیوز میں کینیڈا کے سابق ‘پوسٹر بوائے’ سیاستدان کو روایتی سوٹ کے بجائے سفید شرٹ اور سر پر الٹی ٹوپی (Backward Hat) پہنے بالکل ایک بے فِکر نوجوان کے روپ میں دیکھا جا سکتا ہے۔ ان کا یہ نیا انداز ان کے سابقہ سنجیدہ سیاسی لبادے سے بالکل مختلف ہے، جس نے ان کے چاہنے والوں اور ناقدین دونوں کو حیران کر دیا ہے۔
یاد رہے کہ جسٹن ٹروڈو نے تقریباً ایک سال قبل کینیڈا کی لبرل پارٹی کی قیادت سے اچانک استعفیٰ دے کر سب کو حیران کر دیا تھا۔ تب سے وہ منظرِ عام سے کافی حد تک غائب تھے، لیکن اب کیٹی پیری کے ساتھ ان کی اس اچانک اور ‘ہاٹ’ انٹری نے بین الاقوامی میڈیا میں نئی بحث چھیڑ دی ہے۔
عینی شاہدین کے مطابق، دونوں اسٹارز کنسرٹ کے دوران ایک دوسرے کی کمپنی سے بھرپور لطف اندوز ہو رہے تھے اور ان کے درمیان بڑھتی ہوئی قربت واضح نظر آ رہی تھی۔ جہاں ٹروڈو کے مداح ان کی اس نئی اور آزاد زندگی کو سراہ رہے ہیں، وہی کینیڈا کے سیاسی حلقوں میں ان کے اس ‘غیر روایتی’ طرزِ عمل پر چہ میگوئیاں جاری ہیں۔
ایسا لگتا ہے کہ سابق وزیراعظم اب اقتدار کی پیچیدہ فائلوں اور پارلیمنٹ کی بحثوں سے دور، موسیقی، رقص اور گلیمر کی دنیا میں اپنی نئی خوشیاں تلاش کر چکے ہیں۔