تحریر:اسد مرزا
جہاں لفظ بے نقاب ہوں۔۔۔ وہیں سے سچ کا آغاز ہوتاہے
کہتے ہیں وردی انسان کو مضبوط بنا دیتی ہے، مگر کچھ لمحے ایسے ہوتے ہیں جہاں مضبوط ترین افسر بھی اندر سے ٹوٹ جاتا ہے۔ خیبر پختونخواہ پولیس کے ڈی آئی جی جہانزیب نذیر خان کے ساتھ بھی کچھ ایسا ہی ہوا ایک ایسا کرب جو الفاظ میں مکمل بیان نہیں کیا جا سکتا۔ ان کے والد طویل عرصے سے ہڈیوں کے کینسر جیسے مرض سے لڑ رہے تھے۔ بیماری صرف جسم کو نہیں کھاتی، یہ پورے گھر کو آہستہ آہستہ کھوکھلا کر دیتی ہے۔ ایک بیٹا، جو خود ایک ذمہ دار افسر ہو، اس کے لیے یہ آزمائش دوہری ہو جاتی ہے۔ ایک طرف ریاست کی ذمہ داریاں، دوسری طرف بسترِ مرگ پر پڑا باپ جس کی آنکھیں ہر آنے والے لمحے میں اپنے بیٹے کو تلاش کرتی ہوں۔ جہانزیب نذیر خان بار بار پشاور سے لاہور کا سفر کرتے رہے۔ یہ صرف فاصلہ نہیں تھا، یہ ایک بیٹے کی بے بسی کا سفر تھا۔ ہر بار وہ ایک امید لے کر جاتے، اور ہر بار واپس آتے تو دل میں ایک نیا بوجھ ہوتا۔ انہوں نے متعدد بار پنجاب پولیس میں شہرت کی بلندیوں کو چھونے درد دل رکھنے والے اور رحم دل اعلی افسر سے پہچانے جانےوالے افسر سے درخواست کی الفاظ میں درد تھا، لہجے میں عاجزی تھی، اور آنکھوں میں ایک بیٹے کی فریاد۔ انہیں تسلیاں دی گئیں وعدے کیے گئں نرم لہجے میں یقین دہانیاں کرائی گئیں۔ مگر وقت گزرنے کے ساتھ یہ سب “میٹھی گولیاں” ثابت ہوئیں۔
کیا ایک بیٹے کی اپنے بیمار باپ کے پاس ہونے کی خواہش بھی کسی انتظامی ناراضگی کی نذر ہو سکتی ہے؟ جہانزیب نذیر خان نے پھر بھی ہمت نہ ہاری۔ وہ دو محاذوں پر لڑتے رہے ایک اپنے فرائض کا، دوسرا اپنے جذبات کا۔ آئی جی خیبر پختونخواہ ذوالفقار حمید کی جانب سے انہیں لاہور جا کر والد کی خدمت کی اجازت دینا ایک انسانی پہلو کی جھلک ضرور تھی، مگر یہ عارضی سہارا اس خلا کو پر نہ کر سکا جو مستقل تبادلے کی صورت میں ممکن تھا۔وقت اپنی رفتار سے چلتا رہا… بیماری بڑھتی رہی اور ایک دن وہ لمحہ آ گیا جس سے ہر بیٹا خوفزدہ رہتا ہے۔ والد دنیا سے رخصت ہو گئے۔ اب نہ کوئی درخواست باقی تھی، نہ کوئی وعدہ، نہبیٹے کو اس کرب سے بچا سکتی تھی؟
یہ کیا ہم واقعی اتنے مصروف ہو چکے ہیں کہ ایک بیٹے کو اس کے مرتے کوئی منتظر آنکھیں۔ صرف ایک خاموشی تھی اور ایک ایسا خلا جو کبھی پُر نہیں ہو سکتا۔ نمازِ جنازہ میں شریک پولیس کے افسران کی سرگوشیاں بھی ایک سوال بن کر گونجتی رہیں کیا یہ سب روکا جا سکتا تھا؟ کیا تھوڑی سی ہمدردی، تھوڑی سی انسانیت ایک ہوئے باپ کے پاس بھی کھڑا نہیں ہونے دے سکتے؟ مرحومسب سے بڑی کمی قانون یا اختیار کی نہیں، بلکہ احساس کی ہوتی ہے۔
کے لیے دعا ہے کہ اللہ تعالیٰ ان کی مغفرت فرمائے، اور پسماندگان کو صبر عطا کرے۔ لیکن اس واقعے نے ایک نشان چھوڑ دیا ہے ایک ایسا نشان جو یاد دلاتا رہے گا کہ کبھی کبھی سب سے بڑی کمی قانون یا اختیار کی نہیں، بلکہ احساس کی ہوتی ہے۔

