98 ویں اکیڈمی ایوارڈز (2026) کی شام ہالی ووڈ کے لیے سنسنی خیز رہی۔ جہاں لیونارڈو ڈی کیپریو کی فلم "ون بیٹل آفٹر انادر” (One Battle After Another) نے ایوارڈز کی برسات کر دی، وہیں بہترین اداکار کے زمرے میں ایک بڑے اپ سیٹ نے سب کو حیران کر دیا۔
View this post on Instagram
"ون بیٹل آفٹر انادر” کی بڑی کامیابیاں
پال تھامس اینڈرسن کی اس شاہکار فلم نے 13 نامزدگیوں میں سے 6 زمروں میں کامیابی حاصل کر کے سب کو پیچھے چھوڑ دیا:
بہترین فلم
بہترین ہدایت کار (پال تھامس اینڈرسن)
بہترین معاون اداکار (سین پین)
بہترین اڈاپٹیڈ اسکرین پلے
بہترین فلم ایڈیٹنگ
بہترین کاسٹنگ
فلم کی کہانی اور کردار
یہ فلم ایک سابق انقلابی ‘باب’ (لیونارڈو ڈی کیپریو) کی زندگی کے گرد گھومتی ہے جو اپنی بیٹی کے ساتھ گمنامی کی زندگی گزار رہا ہوتا ہے۔ سکون اس وقت برباد ہوتا ہے جب 16 سال بعد اس کا پرانا دشمن (سین پین) واپس آتا ہے اور باب کی بیٹی لاپتہ ہو جاتی ہے۔ یہ ایکشن تھرلر اور بلیک کامیڈی کا ایک انوکھا امتزاج ہے جس میں لیونارڈو نے اپنی زندگی کی بہترین اداکاری پیش کی۔
دیگر بڑے ایوارڈز: مائیکل بی جورڈن کا جادو
اگرچہ "ون بیٹل آفٹر انادر” نے بہترین فلم جیتی، لیکن لیونارڈو ڈی کیپریو بہترین اداکار کا اعزاز نہ جیت سکے۔ ہارر فلم "Sinners” میں اپنی جاندار اداکاری کی بدولت مائیکل بی جورڈن نے بہترین اداکار کا آسکر اپنے نام کر کے سب کو حیران کر دیا۔
View this post on Instagram
بہترین اداکارہ:
جیسی بکلی نے فلم ‘ہیمنیٹ’ (Hamnet) میں بہترین اداکاری پر یہ اعزاز حاصل کیا، جبکہ ایما اسٹون اور کیٹ ہڈسن جیسی بڑی اداکارائیں اس دوڑ میں پیچھے رہ گئیں۔
And the Oscar for Best Actress goes to… Jessie Buckley! #Oscars pic.twitter.com/KD8FmUox95
— The Academy (@TheAcademy) March 16, 2026
ناروے کی تاریخی جیت:
فلم ‘سینٹیمنٹل ویلیو’ (Sentimental Value) نے بہترین بین الاقوامی فلم کا ایوارڈ جیت کر ناروے کے لیے تاریخ رقم کر دی۔ یہ پہلی بار ہے کہ کسی نارویجن فلم نے آسکر اپنے نام کیا ہے۔