پنجاب میں سکیورٹی ہائی الرٹ: مریم نواز کی ہدایت پر آئی جی پنجاب کا دہشت گردی کے تدارک کے لیے جامع حکمت عملی کا اعلان،کومبنگ آپریشنز، ڈرونز پر پابندی

لاہور:(ملک ظہیر)ملک میں حالیہ دہشت گردی کی لہر کے بعد سکیورٹی اداروں اور پولیس کی جانب سے بروقت اور مؤثر اقدامات نے عوام کے اعتماد کو مضبوط کیا ہے۔ وزیر اعلیٰ پنجاب مریم نواز شریف کی ہدایت پر صوبہ بھر میں سکیورٹی مزید سخت کرنے کا فیصلہ کیا گیا، جسے قانون نافذ کرنے والے اداروں کی جانب سے سنجیدگی سے نافذ کیا جا رہا ہے۔ آئی جی پنجاب عبدالکریم کی زیر صدارت ہونے والے اہم اجلاس میں امن و امان کی صورتحال کا تفصیلی جائزہ لیا گیا اور دہشت گردی کے حالیہ خطرات کے پیش نظر جامع حکمت عملی مرتب کی گئی۔ اجلاس میں واضح کیا گیا کہ صوبے بھر میں سکیورٹی ہائی الرٹ سطح پر لے جائی جا رہی ہے، خصوصاً حساس مقامات، مذہبی عبادت گاہوں، مزارات اور مارکیٹوں کی نگرانی مزید مؤثر بنائی جا رہی ہے۔ پولیس اور سکیورٹی اداروں نے نہ صرف داخلی و خارجی راستوں پر چیکنگ سخت کر دی ہے بلکہ بین الصوبائی سرحدی چوکیوں پر بھی نگرانی بڑھا دی گئی ہے۔ چینی باشندوں، سکھ یاتریوں اور دیگر غیر ملکی شہریوں کی سکیورٹی کو بھی ترجیحی بنیادوں پر یقینی بنایا جا رہا ہے، جو بین الاقوامی سطح پر پاکستان کے مثبت تشخص کے لیے اہم قدم ہے۔ اجلاس میں اس امر کو بھی سراہا گیا کہ پنجاب پولیس، سی ٹی ڈی، سپیشل برانچ اور دیگر انٹیلی جنس ادارے باہمی رابطے کے ساتھ انٹیلی جنس بیسڈ آپریشنز، سرچ، سویپ اور کومبنگ کارروائیوں کو تیز کر رہے ہیں، جس سے ممکنہ خطرات کا بروقت تدارک ممکن ہو رہا ہے۔ ڈرونز کے ممکنہ استعمال کے پیش نظر دفعہ 144 پر سختی سے عملدرآمد، ہوٹلز اور مسافروں کی چیکنگ، اور شہری و دیہی علاقوں میں مشکوک سرگرمیوں پر کڑی نظر رکھنے جیسے اقدامات بھی سکیورٹی حکمت عملی کا حصہ بنائے گئے ہیں۔ موجودہ حالات میں پولیس اور سکیورٹی اداروں کی پیشہ ورانہ تیاری، ہمہ وقت الرٹ رہنے کی حکمت عملی اور مربوط کارروائیاں دہشت گردی کے خطرات کو کم کرنے میں کلیدی کردار ادا کر رہی ہیں، جس سے عوام میں تحفظ کا احساس مزید مضبوط ہو رہا