بھکر:(ملک سمیع اللہ کی رپورٹ)
ڈسٹرکٹ پولیس آفیسر بھکر شہزاد رفیق اعوان نے داجل چیک پوسٹ پر حملے میں شہید ہونے والے پولیس اہلکاروں کے گھروں پر حاضری دی، اہلِ خانہ سے اظہارِ تعزیت کیا، فاتحہ خوانی کی اور لواحقین کو صبرِ جمیل کی تلقین کی۔ ڈی پی او بھکر موضع کرم خان میں شہید محمد شہباز مدنی کے گھر گئے جہاں انہوں نے اہلِ خانہ سے دلی ہمدردی کا اظہار کیا اور شہید کے درجات کی بلندی کے لیے دعا کی۔ اس موقع پر انہوں نے یقین دہانی کرائی کہ پولیس اپنے شہداء کے خاندانوں کے ساتھ کھڑی ہے اور انہیں کسی صورت تنہا نہیں چھوڑا جائے گا۔
سوگوار خاندان سے ملاقات کی اور فاتحہ خوانی کی۔ انہوں نے کہا کہ محکمہ پولیس ہر مشکل گھڑی میں شہداءکے ساتھ کھڑے ہیں ، تنہا نہیں چھوڑیں گے،بعد ازاں انہوں نے جھوک حافظ والی میں شہید کانسٹیبل فہیم عباس کے گھر بھی حاضری کے اہلِ خانہ کے ساتھ ہے اور ان کی مکمل سرپرستی اور معاونت جاری رکھی جائے گی۔
ڈی پی او بھکر نے اس عزم کا اعادہ کیا کہ وطن کے امن کے لیے دی جانے والی قربانیاں محکمہ پولیس کے لیے باعثِ فخر ہیں اور ان عظیم قربانیوں کو ہمیشہ یاد رکھا جائے گا۔ ان کا کہنا تھا کہ شہداء قوم کا سرمایہ ہیں