تحریر:اسد مرزا
جہاں لفظ بے نقاب ہوں۔۔۔ وہیں سے سچ کا آغاز ہوتاہے
باخبر حلقوں کا دعویٰ ہے کہ پاکستان ایک ایسے موڑ پر کھڑا ہے جہاں سے تاریخ کا دھارا بدلنے والا ہے۔ آنے والے دنوں میں قوم کو ایک ایسا سرپرائز ملنے جا رہا ہے جس کی بازگشت نہ صرف ایوانِ اقتدار بلکہ گلی محلوں تک سنائی دے گی۔ ذرائع کے مطابق ایک “اہم کردار” کی اچانک بیرونِ ملک روانگی پر سنجیدہ مشاورت مکمل مراحل میں داخل ہو چکی ہے۔ اندرونی حلقوں کا ماننا ہے کہ اس ایک فیصلے سے ملکی سیاست میں جمود ٹوٹے گا، معیشت کو نیا سانس ملے گا اور ترقی کا پہیہ تیزی سے گھومنے لگے گا۔ کہا جا رہا ہے کہ پسِ پردہ ملاقاتیں، خفیہ رابطے اور غیر معمولی سرگرمیاں اس بات کا واضح اشارہ ہیں کہ کوئی بڑا اعلان کسی بھی وقت سامنے آ سکتا ہے۔ بعض بااثر حلقے اسے “ملک کے مفاد کا فیصلہ” قرار دے رہے ہیں جبکہ کچھ لوگ اسے آنے والے طوفان سے پہلے کی خاموشی سمجھ رہے ہیں۔ اگر یہ قدم اٹھا لیا گیا تو نہ صرف ملکی منظرنامہ بدل جائے گا بلکہ عوام وہ کچھ دیکھیں گے جس کا تصور بھی مشکل تھا۔