کراچی :پاکستان نے بھارتی رجسٹرڈ طیاروں کے لیے اپنی فضائی حدود کے استعمال پر عائد پابندی میں مزید ایک ماہ کی توسیع کر دی۔ اس کے تحت پاکستانی فضائی حدود بھارت میں رجسٹرڈ تمام طیاروں کے لیے 24 فروری تک بند رہے گی۔
بھارتی رجسٹرڈ طیاروں کے لیے پاکستان نے اپنی فضائی حدودمزید 24 فروری 2026 تک بند کرنے کا فیصلہ کیا ہے۔پاکستان ایئرپورٹ اتھارٹی نے حکومت کی جانب سے منظوری سے نیا نوٹم جاری کردیا۔
پاکستان ایئرپورٹ اتھارٹی کے نوٹم کے مطابق بھارت کے تمام رجسٹر پسنجر، ملٹری اور پرائیوٹ جیٹس کوپاکستان کی فضائی حدود سے گزرنے کی اجازت نہیں ہوگی، پاکستان نے 23 اپریل 2025 سے بھارتی طیاروں کے لیے اپنی فضائی حدود بند کر رکھی ہے۔
پاکستان نےبھارتی طیاروں کے لیے فضائی حدود کی پابندی میں مزید توسیع کردی
