غمگین نہیں ،خیریت سے ہوں، نکولس مادورو وینزویلا کے صدر کا بروکلین جیل سے پیغام

نیویارک: امریکا کے شہر بروکلین کی جیل سے گرفتار وینزویلا کے صدر نکولس مادورو نے تصدیق کی ہے کہ وہ خیریت سے ہیں اور غمگین نہیں۔ یہ بات ان کے صاحبزادے نکولس مادورو گویرا نے بتائی جو قومی اسمبلی کے رکن ہیں۔
نکولس مادورو گویرا نے گذشتہ شب ہفتے کے روز جاری ایک ویڈیو پیغام میں بتایا کہ وکلا نے انہیں آگاہ کیا ہے کہ ان کے والد مضبوط حوصلے کے ساتھ ہیں۔ انہوں نے اپنے والد کے حوالے سے کہا کہ ہم غمگین نہیں ہیں جس میں ان کی اہلیہ سیلیا فلوریز بھی شامل ہیں ہم خیریت سے ہیں اور ہم لڑنے والے ہیں۔
اسی دوران وینزویلا میں گذشتہ روز بھی سیاسی قیدیوں کی رہائی کا عمل جاری رہا جن میں اپوزیشن رہنما ماریا کورینا ماچادو کی جماعت کے ایک رکن کو بھی رہا کیا گیا۔ یہ رہائیاں امریکی فوج کی جانب سے صدر نکولس مادورو کی گرفتاری کے ایک ہفتے بعد عمل میں آئیں۔
انسانی حقوق کی تنظیم فورو بینال نے پلیٹ فارم ایکس پر تصدیق کی کہ وینزویلا کی حکام نے پانچ افراد کو رہا کیا ہے جن میں بولیوار ریاست میں پارٹی بینتی وینزویلا کے یوتھ کوآرڈینیٹر بیرخیلیو لاپیرڈی بھی شامل ہیں۔ ماریا کورینا ماچادو کا تعلق بھی اسی جماعت سے ہے۔