لاہور/ڈھاکہ: بنگلادیش کے نامور اور تجربہ کار فاسٹ بولر مستفیض الرحمان آسٹریلیا کی مقبول ترین ٹی ٹوئنٹی لیگ بگ بیش لیگ (BBL) کے آئندہ سیزن کے لیے میلبورن رینیگیڈز (Melbourne Renegades) کی ٹیم کا حصہ بن گئے ہیں۔
کرکٹ حلقوں میں "فِز” کے نام سے پہچانے جانے والے مستفیض الرحمان اپنی بہترین سلو بالز، کٹر اور یارکرز کی بدولت دنیا بھر میں شہرت رکھتے ہیں۔ میلبورن رینیگیڈز نے ان کی شمولیت کو ٹیم کے اٹیک کے لیے ایک شاندار اضافہ قرار دیا ہے، اور امید ظاہر کی جا رہی ہے کہ ان کی آمد سے ٹیم کی بولنگ لائن کو مزید استحکام ملے گا۔
بگ بیش لیگ میں شمولیت کے بعد دنیائے کرکٹ کے شائقین ایک بار پھر آسٹریلوی پچز پر مستفیض الرحمان کی خطرناک بولنگ کا جادو دیکھ سکیں گے۔