ممدانی کی عوامی تقریب حلف برداری ، اردو میں بھی خطاب،پاکستانی آنٹی کاذکر، اور پنجابی گانا

    نیویارک:نومنتخب میئر نیویارک ظہران ممدانی نے عوامی حلف برداری کی تقریب سے خطاب کرتے ہوئے کہا ہے کہ کمپالا سے نئی دہلی اور نیویارک تک پھیلے ہوئے اپنے خاندان کا شکریہ، اور "میری بیوی رما کا شکریہ، میرے بہترین دوست ہونے کے لئےے، اور ہمیشہ مجھے روزمرہ کی چیزوں میں خوبصورتی دکھانے کے لیے۔ اور سب سے زیادہ شکریہ نیویارک کے شہریوں کا جنہوں نے مجھے منتخب کیا۔ ان سے برنی سانڈرس نے حلف لیا۔


    کھچا کھچ شہریوں سخت سردی کے باوجود تقریب سے شہریوں نے شرکت کی اس موقع پر ممدانی کا کہنا تھا کہ شائد ہم کامیاب نہ ہوسکیں لیکن یہ کوئی نہیں کہہ سکےگا کہ ہم نے تبدیلی کے لئے ہمت نہیں کی۔ انہوں نے کہا کہ  لوگوں کو معاشرے کی تبدیلی دوبارہ تشکیل کے مواقع زندگی میں کم ہی ملتے ہیں اور جب ہم نے دیکھا ہو کہ چھوٹے چھوٹے مفادات کے لئے عوامی کاموں کو پس پشت ڈال کر ہتھیار ڈال دئیے گئے وعد ے پورےنہیں کئے گئے ۔
    انہوں نے کہا کہ نیویارک کےشہری انتظار کرتے رہے کہ بہتری آئے گی مگر انتظار طویل ہوتا چلاگیا۔ میں نیویارک کے شہریوں سے یہ نہیں کہوں گا کہ وہ کم سے کم مطالبہ کریں اور توقع اس سے بھی کم کی رکھیں۔ آج سے نئے دور کی ابتدا ہوتی ہے ،بڑی توقعات کے ساتھ۔۔


    ظہران ممدانی کی تقریب میں ٹورنٹو میں مقیم پنجابی آرٹسٹ بببلیشس کے ’گڈی ریڈ چیلنجر‘ کے پنجابی ٹریک پر پرفارم کیا ۔گانے میں اعلان کیا ہے کہ "لڑکا نیویارک میں رہتا ہے”، پل کے نام کے ساتھ NYC کے مختلف محلوں کا بھی ذکر کیا گیا ، یادرہےظہران ممدانی خود جنوبی ایشیائی اور مسلمان ہیں۔ اور پنجابی، مسلم، اور جنوبی ایشیائی ووٹرز، خاص طور پر کوئنز اور بروکلین میں اس کے ووٹرز کی بڑی تعداد  ہے۔  خطاب کے دوران انہوں نےایک پاکستانی آنٹی ثمینہ کا خصوصی ذکرکیا اور کہا کہ انہوں نے مجھے کہا کہ ”لوگوں کے دل بدل گئے ہیں“۔

    نیو یارک کے ڈیموکریٹک سوشلسٹ میئر ظہران ممدانی نے عہدہ سنبھالتے ہی اپنے پیش رو ایرک ایڈمز کے دور کے بیشتر ایگزیکٹو آرڈرز منسوخ کر دیے۔
    یہ فیصلہ حلف اٹھانے کے چند گھنٹے بعد جاری ہونے والے ایک بڑے ایگزیکٹو آرڈر کے ذریعے کیا گیا، جو ان احکامات سے متعلق ہے جو ایڈمز پر فردِ جرم عائد ہونے کے بعد جاری کیے گئے تھے۔
    امریکی اخبار ’نیویارک پوسٹ‘ کے مطابق یہ اقدام بروکلین میں جمعرات کو دستخط کیے گئے پانچ ایگزیکٹو آرڈرز میں سے ایک تھا۔ اس کے تحت 26 ستمبر 2024 کے بعد ایڈمز کی جانب سے جاری کیے گئے تمام آرڈرز منسوخ کر دیے جائیں گے۔ اسی تاریخ کو ان پر وفاقی بدعنوانی کے الزامات عائد کیے گئے تھے۔ ممدانی کا کہنا ہے کہ اس فیصلے کا مقصد نئی انتظامیہ کے لیے “نیا آغاز” یقینی بنانا ہے۔
    انہوں نے یہ بھی کہا کہ ایڈمز کے دور کے کچھ احکامات دوبارہ جاری کیے جا سکتے ہیں، جن میں یہ آرڈر بھی شامل ہے جس کے تحت انسدادِ یہود دشمنی کے دفتر کو برقرار رکھا گیا تھا۔ ممدانی نے اپنی تقریر میں کہا کہ یہ دن ایک نئے دور کی علامت ہے، اور اس کے لیے ماضی میں سیاست سے مایوس ہونے والے شہریوں کے خدشات کو سمجھنا ضروری ہے۔
    اس کے ساتھ ہی ممدانی نے رہائش کے مسائل سے متعلق اپنے انتخابی وعدوں پر بھی پیش رفت کی۔ انہوں نے کرایہ داروں کے تحفظ کے لیے میئر کے دفتر کو دوبارہ فعال کرنے کا اعلان کیا اور دو نئی ٹاسک فورسز بنانے کے احکامات پر دستخط کیے، جن کا مقصد شہر کی ملکیتی زمین پر رہائشی تعمیرات کی رفتار بڑھانا اور رہائش کی فراہمی میں اضافہ کرنا ہے۔

    Related Posts