واشنگٹن: امریکی صدر ڈونلڈ ٹرمپ نے برطانوی نشریاتی ادارے (بی بی سی) کیخلاف ہتک عزت کا مقدمہ دائر کر دیا۔
رپورٹ کے مطابق امریکی صدر نے اپنی 6 جنوری 2021ء کی تقریر کا ایڈٹ شدہ کلپ نشر کرنے پر برطانوی نشریاتی ادارے کیخلاف فلوریڈا میں 5 ارب ڈالر ہرجانے کا مقدمہ دائر کیا، اور کہا کہ بی بی سی نے میری تقریر کو سیاق و سباق سے ہٹ کر نشر کیا، ادارے کے اس عمل سے میری ساکھ کو شدید نقصان پہنچا۔یاد رہے کہ بی بی سی نے اپنی ایک ڈاکیومنٹری میں ٹرمپ کی تقریر کے مختلف حصوں کو جوڑ کر یہ تاثر دیا تھا کہ انہوں نے حامیوں کو کیپیٹل کی جانب مارچ اور لڑنے کی ہدایت دی، تاہم حقیقت میں یہ جملے تقریر کے ایسے حصوں سے لیے گئے تھے جو تقریباً ایک گھنٹے کے وقفے سے ادا کیے گئے تھے۔برطانوی نشریاتی ادارہ اپنے اس عمل کو غلط قرار دیتے ہوئے ٹرمپ سے معذرت بھی کرچکا ہے، ادارے نے یہ تسلیم کیا کہ 6 جنوری 2021ء کی ٹرمپ کی تقریر کے مختلف حصوں کو اس انداز میں جوڑا گیا کہ ایسا غلط تاثر پیدا ہوا جیسے ٹرمپ نے براہِ راست تشدد پر اکسانے کی اپیل کی ہو۔مزید برآں اس معاملے پر بی بی سی کے ڈائریکٹر جنرل ٹم ڈیوی اور بی بی سی نیوز کی سربراہ ڈیبورا ٹرنس مستعفی بھی ہو چکی ہیں۔
امریکی صدرڈونلڈ ٹرمپ نے بی بی سی کے خلاف 10 ارب ڈالر ہرجانے کا دعویٰ
