میلبورن: آ سٹریلیا میں ہونے والی بھارت آسٹریلیا ٹی-20 سیریز کے دوسرے میچ میں بھارتی ٹیم کو ملبورن میں آسٹریلیا کے ہاتھوں 4 وکٹوں سے عبرتناک شکست کا سامنا کرنا پڑا۔ فاسٹ باؤلر جوش ہیزل وڈ نے محض 125 رنز پر بھارتی ٹیم کو پویلین بھیج دیا۔
ہیرل وڈ نے ایک ہی اسپیل میں بھارتی ٹاپ آرڈر کو پویلین بھیج دیا۔ انھوں نے 4 اوورز میں محض 13 رن دے کر 3 کھلاڑیوں کو پویلین بھیجا، اور اس کارکردگی کے لیے انھیں پلیئر آف دی میچ کے اعزاز سے نوازا گیا۔
ملبورن کرکٹ گراؤنڈ میں ہفتہ کے روز کھیلے گئے اس میچ میں جہاں بھارتی بلے باز جہاں پورے 20 اوورز بھی نہیں کھیل پائے، وہاں آسٹریلیا نے ہدف محض 13.2 اوورز میں حاصل کر لیا۔
آسٹریلوی اوپننگ بیٹرز ٹریوس ہیڈ اور مشیل مارش نے بلے بازی کے ایسے جوہر دکھائے کہ آسٹریلیا کبھی بھی مشکل میں نظر نہیں آیا۔ دونوں نے پانچویں اوور میں ہی ٹیم کو 50 رن کے پار پہنچا دیا تھا۔ ٹریوس ہیڈ 28 رن بنا کر ورون چکرورتی کا شکار ہوئے، اور پھر مارش 46 رن بنا کر پویلین لوٹے۔ کلدیپ یادو کے پہلے ہی اوور میں مارش نے 20 رن بنا ڈالے تھے، لیکن پھر کلدیپ کی گیند پر ہی آؤٹ بھی ہوئے۔ آسٹریلیائی اننگ جب جیت کے بہت قریب تھی، تبھی بمراہ نے لگاتار 2 وکٹ حاصل کر ٹیم میں جوش ضرور پیدا کیا، لیکن اس وقت تک بہت دیر ہو چکی تھی۔
ملبورن کے میدان میں بھارت کو ٹی-20 کرکٹ میں 17 سال بعد اس شکست کا سامنا کرنا پڑا ہے۔ یادرہے یہاں بھارت کو پچھلی شکست 17 سال قبل 2008 میں آسٹریلیا کے خلاف ہی ملی تھی۔
اس جیت کے ساتھ ہی آسٹریلیا نے 5 میچوں کی رواں ٹی-20 سیریز میں 0-1 کی سبقت بنا لی ہے۔ پہلا میچ بارش کے سبب منسوخ ہو گیا تھا۔
پہلے بیٹنگ کرتے ہوئی بھارتی ٹیم آٹھویں اوور میں صرف 49 رنز تپر اپنے 5 وکٹ گنوا چکی تھی۔ جوش ہیزل ووڈ نے خطرناک گیندبازی کرتے ہوئے شبھمن گل، سوریہ کمار یادو اور تلک ورما جیسے بلے بازوں کو پویلین کی راہ دکھائی۔ اوپننگ بیٹر ابھشیک شرما نے 37 گیندوں میں 68 رنوں کی اننگ کھیلی، ورنہ ہ بھارت شائد50 رنز بھی مشکل سے بنا پاتا۔ بھارت کے بیٹر ہرشت رانا (35 رن) ہی دوسرے ایسے بلے باز تھے، جنھوں نے دوہرے ہندسے کو چھوا۔