پسرور (محمد اشفاق / بے نقاب نیوز )
ڈی پی او سیالکوٹ کیپٹن (ر) دوست محمد کی ہدایات پر ڈی ایس پی پسرور سرکل رانا جمیل قیصر کی سربراہی میں ایس ایچ او تھانہ بڈیانہ عرفان ڈھلو کی زیرِ نگرانی بڈیانہ پولیس نے دورانِ گشت و ناکہ بندی جرائم پیشہ عناصر کے خلاف کارروائی کرتے ہوئے دو ملزمان کو گرفتار کر لیا۔
پولیس کے مطابق تھانہ بڈیانہ کی حدود سوہدریکی گاؤں کے رہائشی شاہد محمود ولد سعید اختر کے قبضے سے 1400 گرام چرس برآمد کی گئی، جبکہ دوسری کارروائی میں ملزم ندیم اختر ولد رفیق سے ناجائز 30 بور پسٹل اور متعدد گولیاں برآمد ہوئیں۔
پولیس نے دونوں ملزمان کے خلاف تھانہ بڈیانہ میں الگ الگ مقدمات درج کر کے مزید قانونی کارروائی شروع کر دی ہے۔ پولیس حکام کا کہنا ہے کہ منشیات فروشوں اور ناجائز اسلحہ رکھنے والوں کے خلاف کارروائیاں بلاامتیاز جاری رہیں گی۔


