ملتان(رپورٹ: ملک جابر عباس سے)
ملتان میں وہاڑی روڈ کے علاقے 19 کسی کے قریب تیز رفتار کار اور آٹو رکشے کے درمیان خوفناک تصادم کے نتیجے میں ایک شخص جاں بحق جبکہ اس کی اہلیہ زخمی ہوگئی۔حادثہ اس وقت پیش آیا جب تیز رفتار کار نے رکشے کو سامنے سے ٹکر مار دی، جس کے نتیجے میں رکشے میں سوار 48 سالہ محمد منیر شدید زخمی ہوگئے اور موقع پر ہی دم توڑ گئے۔اطلاع ملنے پر ریسکیو اہلکار موقع پر پہنچے اور محمد منیر کو سی پی آر فراہم کیا، تاہم وہ جانبر نہ ہوسکے۔ حادثے میں زخمی ہونے والی خاتون کو ابتدائی طبی امداد کے بعد نشتر ہسپتال منتقل کر دیا گیا۔پولیس کی قانونی کارروائی مکمل ہونے کے بعد جاں بحق محمد منیر کی میت بھی نشتر ہسپتال منتقل کر دی گئی۔