خوشاب (راجہ نورالہی عاطف سے)
خوشاب کے قابل فخر سپوت ملک محمد عاصم جسرا کو بطور ڈسٹرکٹ پولیس آفیسر (ڈی پی او) چکوال تعینات کر دیا گیا ہے۔ ان کی اس تعیناتی پر عوامی، سماجی، تعلیمی، ادبی اور صحافتی حلقوں کی طرف سے مبارکباد اور نیک تمناؤں کا اظہار کیا گیا ہے۔ یاد رہے کہ ملک محمد عاصم جسرا سے قبل کاشف ذوالفقار بطور ڈی پی او چکوال تعینات تھے۔
ملک محمد عاصم جسرا کا تعلق ضلع خوشاب کے گاؤں پیلووینس سے ہے اور وہ یہاں کی معروف و معزز زمیندار جسرا فیملی کے چشم و چراغ ہیں۔ اللہ تعالی نے انہیں اعلیٰ صلاحیتوں سے نوازا ہے اور ان کا شمار محکمہ پولیس کے فرض شناس اور نڈر افسران میں ہوتا ہے۔
موصوف محکمہ پولیس کے لیے ایک عرصہ سے گراں قدر خدمات سر انجام دے رہے ہیں۔ محکمہ پولیس کے ماتھے کا جھومر ملک محمد عاصم جسرا انتہائی ہر دلعزیز، پروقار، بردبار، ملنسار، خوش گفتار اور معاملہ فہم شخصیت کے مالک ہیں، جو اپنے انہی اوصاف حمیدہ اور فرض شناسی کی وجہ سے عوامی و سماجی حلقوں میں بہت مقبول ہیں اور عزت و احترام کی نگاہ سے دیکھے جاتے ہیں۔