اسلام آباد :اسلام آباد کی فیملی کورٹ کی جج امبرین اقبال نے سابق سینیٹر مشتاق احمد کی اہلیہ حمیرا طیبہ کے حق میں خلع کی ڈگری جاری کردی۔
عدالتی فیصلے کے مطابق خاتون شوہر کے ساتھ مزید ازدواجی زندگی گزارنے پر آمادہ نہیں تھیں، عدالت میں مصالحت کی کوششیں ناکام ہونے کے بعد خلع کی ڈگری جاری کی گئی۔ خاتون نے اپنے بیان حلفی میں شوہر سے نفرت اور ان کے ساتھ رہنے سے انکار کا اظہار کیا تھا۔عدالت نے قرار دیا کہ خلع کی بنیاد پر نکاح ختم کردیا گیا ہے جبکہ حق مہر کے حوالے سے دونوں فریقین کا ایک دوسرے پر کوئی دعویٰ نہیں۔ بچوں کے نان نفقہ، غیر شادی شدہ بیٹیوں کے اخراجات اور دیگر استدعاؤں سے متعلق باقی دعویٰ واپس لینے پر خارج کردیا گیا۔
