اسلام آباد :سیالکوٹ میں مہندی کی تقریب کے دوران مچنے والی بھگدڑ کے معاملے میں اہم قانونی پیشرفت سامنے آئی ہے اسلام آباد ہائیکورٹ نے ٹک ٹاکر مسٹر پتلو کی حفاظتی ضمانت 10 نومبر تک منظور کرتے ہوئے متعلقہ پولیس کو انہیں گرفتار کرنے سے روک دیا۔
ٹک ٹاکر عنصر جٹ المعروف " مسٹر پتلو" کے لیئے تیز ترین انصاف کی منفرد مثال
ٹک ٹاکر مسٹر پتلو نے اسلام آباد ہائیکورٹ میں حفاظتی ضمانت کے لئیے رجوع کیا ۔وہیل چیئر پراسلام آباد ہائیکورٹ لایا گیا ایک بج کر 40 منٹ پر اسلام آباد ہائیکورٹ کے چیف جسٹس سرفراز ڈوگر کے چیمبر میں لےجایا گیا اور 5 منٹ بعد 1 بجکر 45 منٹ پر مسٹر پتلو کی حفاظتی ضمانت 10 نومبر تک منظور کرلی گئی، مسٹر پتلو وہیل چئیر پر چیمبر سے باہر آگئے ..!!
— Bilal Ghauri (@mbilalghauri) November 3, 2026
صحافی بلال غوری کی ٹویٹ کے مطابق یہ عدالتی پیشرفت انتہائی غیر معمولی حالات میں دیکھنے میں آئی جہاں ٹک ٹاکر مسٹر پتلو کو شدید جسمانی معذوری یا چوٹ کے باعث وہیل چیئر پر اسلام آباد ہائی کورٹ لایا گیا، دوپہر 1 بج کر 40 منٹ پر مسٹر پتلو کو اسلام آباد ہائی کورٹ کے چیف جسٹس سرفراز ڈوگر کے چیمبر میں پیش کیا گیا۔
اسلام آباد ہائیکورٹ کا ٹک ٹاکر مسٹر پتلو کو دس نومبر تک گرفتاری سے روک دیا، اسلام آباد ہائیکورٹ نے مسٹر پتلو کی حفاظتی ضمانت منظور کر لی، مسٹر پتلو کی حفاظتی ضمانت دس نومبر تک منظور، چیف جسٹس سرفراز ڈوگر نے احکامات جاری کیے، مسٹر پتلو اپنے وکیل قاسم نواز عباسی پیش ہوئے https://t.co/ewJhOll2IB
— Shakir Abbasi (@ShakirAbbasi22) November 3, 2026
انہوں نے بتایا کہ چیف جسٹس سرفراز ڈوگر کے چیمبر میں محض 5 منٹ کی مختصر سماعت کے بعد دوپہر 1 بج کر 45 منٹ پر اسلام آباد ہائی کورٹ نے مسٹر پتلو کی حفاظتی ضمانت منظور کرنے کا باقاعدہ آرڈر جاری کر دیا، ضمانت کا حکم نامہ جاری ہوتے ہی مسٹر پتلو وہیل چیئر پر چیمبر سے باہر آ گئےبتایا گیا ہے کہ عدالتِ عالیہ کی جانب سے 10 نومبر تک حفاظتی ضمانت منظور کیے جانے کے بعد اب پولیس یا دیگر قانون نافذ کرنے والے ادارے مسٹر پتلو کو اس تاریخ تک گرفتار نہیں کر سکیں گے، جس سے انہیں متعلقہ سیشن یا ٹرائل کورٹ میں پیش ہو کر قبل از گرفتاری ضمانت یا قانونی چارہ جوئی کا موقع مل گیا۔
یاد رہے کہ گزشتہ دنوں سیالکوٹ میں مسٹر پتلو کی مہندی کی تقریب اور محفلِ سماع کے موقع پر انعامات کی قرعہ اندازی کے اعلانات کے باعث ہزاروں کی تعداد میں لوگ جمع ہو گئے تھے، جہاں شدید بد نظمی کے بعد بھگدڑ مچ گئی، جس کے نتیجے میں 2 افراد جاں بحق اور متعدد زخمی ہوئے، اس حادثے کے بعد پولیس نے واقعے کا مقدمہ درج کرکے متعدد افراد کو گرفتار کرلیا جبکہ مرکزی کردار مسٹر پتلو کے خلاف بھی قانونی کارروائی کا آغاز کردیا گیا تھا۔