سیالکوٹ ۔سلیم احمد اعوان شیخو
چار بچوں کے باپ نے ٹریفک پولیس کی بدمعاشی کے ہاتھوں مجبور ہو کر نہر میں کود کر خود کشی کر لی۔بتایا گیا ہے کہ چائنہ سکیم سیالکوٹ کے رہائشی لوڈر رکشہ چلانے والے علی رضا نے اپنی بیٹیوں اور بیٹے سے کہا کہ میں کام پر جارہا ہوں اور بیٹیوں کا ماتھا چوم کر اپنا لوڈر رکشہ لے کر گھر سے نکل پڑا اور علی رضا کو اپر چناب نہر سمبڑیال سے پیچھے ٹریفک پولیس نے روکا تو اس کا ٹریفک پولیس نے عینی شاہدین کے مطابق 2 ہزار روپے کا چالان کردیا۔
علی رضا نے ٹریفک پولیس کی بہت زیادہ منت سماجت کی اور کہا کہ میرے مالی حالات بہت خراب ہیں اور مجھ پر رحم کریں لیکن ٹریفک پولیس نے اس کی ایک نہ سنی جبکہ علی رضا کے مالی حالات پہلے ہی خراب تھے جیب میں پیسے نہ تھے تو وہ 2 ہزار روپے کا چالان برداشت نہ کر سکا اور اس نے رکشہ لوڈر وہیں کھڑا رہنے دیا اور مذکورہ نہر کے کنارے جیب سے چیزیں نکال کر رکشہ لوڈر پر رکھیں اور پانی سے بھری ہوئی مذکورہ گہری نہر میں چھلانگ لگا دی جبکہ گہری نہر کا مقابلہ کون کرسکتا تھا تو نہر پر موجود لوگوں نے مدد کی آوازیں لگائیں لیکن کہ افسوس دیر ہو چکی تھی۔علی رضا بے چارے کی چار بیٹیاں ہیں اور ایک بیٹا ہے جبکہ گھر میں پہلے فاقے ہورہے تھے
عینی شاہدین کے مطابق اگر علی رضا کا چالان نہ کیا جاتا تو شائد وہ خود کشی کی موت سے بچ جاتا۔