رپورٹ کفایت اللہ سے
خیبر پختونخوا کے نامزد اضلاع میں محکمہ صحت کے نظام میں ایک بڑا انتظامی فیصلہ کرتے ہوئے ہر قسم کی نئی بھرتیوں پر فوری اور مکمل پابندی عائد کر دی گئی ہے۔ ڈائریکٹوریٹ ہیلتھ سروسز (ڈیزگنیٹڈ ڈسٹرکٹس) کی جانب سے جاری کردہ باضابطہ مراسلے کے مطابق صوبے کے متعلقہ دفاتر، صحت کے مراکز اور ہسپتالوں میں تمام تقرریوں کا عمل روک دیا گیا ہے۔نئی بھرتیوں کا خاتمہ: تمام نئی بھرتیوں کا آغاز، کارروائی اور حتمی منظوری کے عمل کو معطل کر دیا گیا ہے۔جاری بھرتیوں کے اشتہارات، انٹرویوز، تحریری ٹیسٹ اور تیار کردہ میرٹ لسٹوں پر عمل درآمد فوری طور پر روک دیا گیا ہے۔تقرری آرڈرز پر پابندی: اگلے احکامات تک کسی بھی امیدوار کو تقرری کا آرڈر یا جوائننگ دینے کی ہرگز اجازت نہیں ہوگی۔ حکمنامے کی خلاف ورزی کرنے والے متعلقہ افسران یا اہلکاروں کے خلاف سخت محکمانہ کارروائی عمل میں لائی جائے گی۔محکمہ صحت میں ملازمت کے خواہشمند امیدواروں کو ہدایت کی گئی ہے کہ وہ اس بدلتی ہوئی صورتِ حال کے پیش نظر اگلے سرکاری احکامات اور اعلانات کا انتظار کریں۔