واشنگٹن : دنیا کی معروف خلائی اور ٹیکنالوجی کمپنی اسپیس ایکس (SpaceX) کے مالک ایلون مسک نے پیر کے روز ایک سنسنی خیز اعلان کرتے ہوئے آئندہ برس امریکہ کے "ہر بچے کو اپنی کمپنی اسپیس ایکس کا ایک شیئر (Share)” دینے کا عزم ظاہر کیا ہے۔
ایلون مسک کا یہ ردِعمل آرٹیفیشل انٹیلی جنس (AI) بنانے والی کمپنی اینتھروپک (Anthropic) کی جانب سے اپنے 5 فیصد شیئرز ایک عوامی فلاحی فنڈ (Public Benefit Fund) کو دینے کے اعلان کے فوراً بعد سامنے آیا۔ اینتھروپک کے اعلان کا جواب دیتے ہوئے مسک نے سوشل میڈیا پر لکھا: "میں تجاویز دیتا ہوں کہ شیئرز براہِ راست عوام کو دیے جائیں۔”
امریکہ میں 18 سال سے کم عمر بچوں کی تعداد تقریباً 7 کروڑ 30 لاکھ (73 Million) ہے۔ جمعہ کو اسپیس ایکس کے شیئر کی قیمت 146.03 ڈالر پر بند ہوئی، جس کے حساب سے ایلون مسک کے اس وعدے کی کل مالیت تقریباً 10.66 ارب ڈالر بنتی ہے۔
ایلون مسک نے اس منصوبے کے طریقہ کار کی مزید تفصیلات تو بیان نہیں کیں، تاہم انہوں نے لکھا کہ "یہ اس طرح کی پہلی کوشش ہے اور ایسی مزید اسکیمیں آئندہ بھی آئیں گی”۔
ایلون مسک کا تاریخی اعلان: امریکی بچوں کیلئے 10 ارب ڈالر سے زائد کا تحفہ
