آسٹریلیا اور جنوبی افریقہ پہلا ٹیسٹ: میٹ رینشا کی نصف سنچری، آسٹریلیا کی پوزیشن انتہائی مضبوط

کنگزمیڈ ڈربن ٹیسٹ؛ کینگروز نے میزبان ٹیم کو جیت کے لیے 421 رنز کا ہدف دے دیا ڈربن کے کنگزمیڈ کرکٹ گرانڈ میں کھیلے جا رہے پہلے ٹیسٹ میچ میں آسٹریلیا نے شاندار کارکردگی کا مظاہرہ کرتے ہوئے جنوبی افریقہ کے خلاف اپنی گرفت مضبوط کر لی ہے۔ٹاس جیت کر پہلے بیٹنگ کرتے ہوئے آسٹریلیا نے پہلی اننگز میں 390 رنز بنائے۔ اوپنر میٹ رینشا (Matt Renshaw) نے شاندار اور ذمہ دارانہ بیٹنگ کا مظاہرہ کرتے ہوئے 190 رنز کی تاریخی اننگز کھیلی۔ جنوبی افریقہ کی جانب سے ویان ملڈر نے 4، مارکو جانسن نے 3 اور اینریچ نورجے نے 2 وکٹیں حاصل کیں۔جواب میں جنوبی افریقہ کی پوری ٹیم پہلی اننگز میں 284 رنز پر آٹ ہو گئی۔ ڈیوڈ بیڈنگھم نے 49 رنز کی نمایاں اننگز کھیلی۔ آسٹریلیا کے کپتان پیٹ کمنز نے عمدہ بولنگ کرتے ہوئے 3 کھلاڑیوں کو آٹ کیا، جبکہ مچل سٹارک، جوش ہیزل ووڈ اور نیتھن لیون نے 2،2 وکٹیں حاصل کیں۔ اس طرح آسٹریلیا کو 106 رنز کی اہم برتری حاصل ہوئی۔آسٹریلیا نے دوسری اننگز میں بھی جارحانہ انداز برقرار رکھا اور 314 رنز 6 کھلاڑی آٹ پر اننگز ڈکلیئر کر کے جنوبی افریقہ کو جیت کے لیے 421 رنز کا بڑا ہدف دیا۔ دوسری اننگز میں بھی میٹ رینشا نے شاندار فارم جاری رکھتے ہوئے نصف سنچری اسکور کی۔ٹیسٹ میچ اب اپنے انتہائی سنسنی خیز اور فیصلہ کن مرحلے میں داخل ہو چکا ہے، جہاں آسٹریلیا کی ٹیم فتح کی پوزیشن میں دکھائی دے رہی ہے۔چوتھے روزکے اختتام پرجنوبی افریقہ نے چاروکٹوں کے نقصان پر 102رنزبنالئے ۔آخری روز آسٹریلیا کو جیت کیلئے چھ وکٹیں جبکہ جنوبی افریقہ کو اب بھی 319 رنزدرکارہیں۔